Varnir gegn vágestum

Rán og hnupl aukast stöðugt í verslunum, söluturnum, bensínstöðvum og hjá öðrum verslunarfyrirtækjum. Slíkir atburðir hafa í för með sér ótta og vanlíðan meðal starfsmanna og viðskiptavina sem verða fyrir þeim. Þess vegna hafa SVÞ ásamt lögreglunni í Reykjavík hrundið af stað verkefninu Varnir gegn vágestum til að fyrirtækin geti betur tryggt sig gegn þjófnuðum og ránum og þeim skaða sem því fylgir.

Verslanir sem taka þátt í verkefninu Varnir gegn vágestum minnka áhættuna á rýrnun vegna þjófnaða. Verkefnið byggir á því að allir starfsmenn taki þátt í því. Það eykur hæfni og öryggi starfsmanna.

Verslunarkeðjur, olíufélög einstaka verslanir og þjónustufyrirtæki hafa þegar fengið slík námskeið fyrir starfsmenn sína og hlotið vottun lögreglunnar á sölustaði. Hnupl og innbrot eru færri hjá þessum aðilum en ýmsum öðrum.

Verkefninu er skipt í þrjá hluta, öryggisbúnað, öryggisfræðslu og vottun. Hér fyrir neðan er lýsing á innihaldi hvers hluta verkefnisins:

con00204_661.jpg1. Nauðsynlegum öryggisbúnaði komið upp

  •  Seðlageymsla með tímaseinkunarlás
  •  Læstur afgreiðslukassi
  •  Peningaskápur
  •  Gægjugat á bakdyrum
  •  Auka símasamband/farsími
  •  Hæðarmerkingar við útidyr


2. Öryggisfræðsla til allra starfsmanna – ca. 2-3 klst.

  •  Hnupl
  •  Greiðslukort og notkun þeirra
  •  Rán
  •  Vátryggingar
  •  Peningar
  •  Öryggi og umhverfi
  •  Rýrnun
  •  Aðrar upplýsingar og gögn
  •  Innbrot
  •  Daglegar öryggisreglur
  •  Áfallahjálp


3. Vottun

  •  Úttekt lögreglu
  •  Merki límt í glugga við útidyr

 
Allar nánari upplýsingar veitir Sigríður Anna Guðjónsdóttir hjá SVÞ í síma 511 3000 eða með tölvupóst til sigridur@svth.is.