02/11/2020 | COVID19, Fréttir, Verslun, Þjónusta
Til að taka af allan vafa um fyrirkomulag sóttvarnaraðgerða í verslun og þjónustu höfum við tekið saman
eftirfarandi:
GRÍMUSKYLDA
Grímuskylda er í öllum verslunar- og þjónustufyrirtækjum, fyrir starfsfólk og viðskiptavini. Starfsfólki ber að fylgja því eftir.
Ef viðskiptavinir virða ekki grímuskyldu ber að meina þeim aðgang að versluninni. Starfsfólk hefur ekki heimild til valdbeitingar. Ef upp koma óleysanleg vandamál með viðskiptavini sem ekki virðir grímuskyldu er bent á að hringja í lögreglu eða neyðarnúmerið 112.
Nálgast má plakat um grímuskyldu á pdf formi til útprentunar hér: bit.ly/grimuskylda
FJÖLDATAKMARKANIR
Matvöru- og lyfjaverslanir:
- Allt að 50 viðskiptavinir í sama rými háð því að unnt sé að viðhafa 2 metra fjarlægð
- Matvöru– og lyfjaverslanir með yfir 1.000 fermetra rými mega hleypa inn 1 viðskiptavini í viðbót fyrir hverja 10 fermetra umfram 1.000 fermetra en þó aldrei fleiri en 100 viðskiptavinum samtals.
Aðrar verslanir:
- Allt að 10 viðskiptavinir í sama rými háð því að unnt sé að viðhafa 2 metra fjarlægð
ATHUGIÐ AÐ FJÖLDATAKMARKANIR GILDA EINGÖNGU UM VIÐSKIPTAVINI ÓHÁÐ FJÖLDA STARFSMANNA.
BIÐRAÐIR
Biðraðir fyrir utan verslanir eða þjónustufyrirtæki eru ekki á ábyrgð viðkomandi fyrirtækis.
Smelltu á myndina hér fyrir neðan til að hlaða niður pdf af henni:
20/04/2020 | Fræðsla, Fréttir, Sértilboð, Þjónusta
Nú í apríl og maí býður Gerum betur sértilboð til félagsmanna: 25% afslátt á þjónustunámskeiðum sem kennd eru í gegnum netið.
Þrjú námskeið eru í boði og þrjár upphafsdagsetningar fyrir hvert þeirra.
Dagsetningarnar eru 27. apríl, 11. maí og 25. maí.
Kynntu þér námskeiðin með því að smella á viðeigandi hnapp hér fyrir neðan.
Afsláttarkóðinn fyrir félagsmenn er gerumbetur
20 góð ráð í þjónustusímsvörun
Erfiðir viðskiptavinir og kvartanir
Góð ráð í tölvupóstsamskiptum
29/01/2020 | Fréttir, Öryggishópur, Stjórnvöld, Verslun, Þjónusta
Mjög gagnlegar umræður voru á vel sóttum fundi með lögreglustjóra höfuðborgarsvæðisins í morgun. Sigríður Björk Guðjónsdóttir, lögreglustjóri höfuðborgarsvæðisins, kynnti innri vinnu sem hefur verið í gangi hjá lögreglunni, árangur af henni og ýmislegt sem til mun koma í framhaldinu. Mikið var rætt um mögulegar aðgerðir til að bregðast með áhrifaríkari hætti við þjófnaði í verslunum og afgreiðslu brotamála. Í framhaldi af fundinum mun öryggishópur SVÞ vera í frekara sambandi við lögreglu varðandi samstarf og mögulegar aðgerðir.
Við hvetjum fólk til að horfa á upptöku af fundinum hér fyrir neðan og félagsmenn að setja sig í samband við okkur ef þeir hafa áhuga á að koma að frekari vinnu að þessum málum. Netfangið er svth(hjá)svth.is og síminn 511 3000.
22/01/2020 | Fræðsla, Fréttir, Þjónusta
Það var mikið rætt og hlegið á einstaklega gagnlegum og skemmtilegum morgunfyrirlestri um þjónustusímsvörun með þjónustusérfræðingnum Margréti Reynisdóttur hjá Gerum betur. Ekki spillti fyrir að með henni var góður gestur, Örn Árnason leikari, sem fór á kostum við að glæða lífi hin ýmsu dæmi sem læra mátti af. Líflegar umræður spunnust og óhætt að segja að allir hafi farið reynslunni ríkari frá okkur þann morguninn.
Í tilefni af fyrirlestrinum býður Margrét sérkjör á nýútkominni bók sinni um þjónustusímsvörun næstu þrjár vikurnar. Og hún gerir enn betur og býður sértilboð á rafrænu námskeið um sama efni. Þú getur nálgast bókina hér og námskeiðið hér og með kóðanum svth færðu 20% afslátt.
