23/10/2026 | Stjórnvöld, Umsagnir, Úr hagsmunagæslunni
SVÞ – Samtök verslunar og þjónustu hafa skilað umsögn um frumvarp til laga um breytingu á húsaleigulögum (reglubundnar breytingar á leigufjárhæð). Samtökin leggjast gegn því að frumvarpið verði samþykkt í núverandi mynd og telja leigubremsu óheppilegt stjórntæki. Hún geti veitt sitjandi leigjendum skjól um skamma stund en dragi úr hvata til útleigu, viðhalds og fjárfestingar og færi kostnaðinn yfir á þá sem koma síðar inn á leigumarkaðinn.
Í umsögninni er sérstaklega gagnrýnt að frumvarpið nái einnig til atvinnuhúsnæðis án sjálfstæðs áhrifamats, þótt rökstuðningur þess snúi að heimilum fólks. SVÞ benda á að ófrávíkjanleg ákvæði geti raskað algengum samningsformum í atvinnuleigu, skapað læsingaráhrif sem hamla samkeppni og fært verðmyndun til kærunefndar húsamála. Samtökin leggja til að frumvarpið verði dregið til baka eða endurunnið að miklu leyti, að atvinnuhúsnæði verði undanskilið með öllu og að framkvæmt verði mat á áhrifum á framboð, fjárfestingu, fjármögnun og samkeppni.
Sjá umsögn SVÞ hér -> Umsögn um frumvarp til laga um breytingu á húsaleigulögum
01/10/2026 | Stjórnvöld, Umsagnir, Úr hagsmunagæslunni
SVÞ – Samtök verslunar og þjónustu hafa skilað umsögn um fjárlagafrumvarp ársins 2027 og frumvarp um skattabreytingar vegna fjárlaganna. Samtökin telja markmið um hallalaus fjárlög jákvætt en leggja áherslu á að aðlögun ríkisfjármála byggi fyrst og fremst á aðhaldi opinberra útgjalda. Boðaðar skattahækkanir geti aukið verðbólgu, dregið úr fjárfestingu og veikt atvinnu- og verðmætasköpun.
Í umsögninni er sérstaklega fjallað um hækkun kílómetragjalds og áhrif á vöruflutninga og vöruverð, auk þess sem kallað er eftir skýrara samhengi milli skatttekna af ökutækjum og framlaga til vegakerfisins. Þá gagnrýna SVÞ skerðingu stuðnings við orkuskipti og lækkun endurgreiðslna virðisaukaskatts vegna íbúðarhúsnæðis. Samtökin kalla jafnframt eftir betra mati á áhrifum aukinnar skattlagningar á fjármálafyrirtæki og ferðaþjónustu og skýrari rökstuðningi fyrir hækkun eftirlitsgjalds vátryggingamiðlara.
Sjá umsögn SVÞ hér -> 20261001 ums SVÞ frv. til fjárl 2027 og tekjubandormur
18/09/2026 | Stjórnvöld, Umsagnir, Úr hagsmunagæslunni
SVÞ – Samtök verslunar og þjónustu hafa skilað umsögn um áform um breytingar á ýmsum lögum um skatta og gjöld. Samtökin vara við því að lengri afgreiðslufrestur ríkisskattstjóra og þrengri skilyrði fyrir bindandi álitum geti aukið réttaróvissu. Dragist afgreiðsla of lengi geti skattaðilar þurft að framkvæma ráðstafanir áður en álit liggur fyrir og þannig misst rétt til þess.
SVÞ leggja jafnframt áherslu á að ákvæði tollalaga tryggi að tollyfirvöld geti veitt fyrirframúrskurði í samræmi við viðskiptaliprunarsamninga Íslands. Þá telja samtökin eðlilegt að samræma tollafyrirkomulag rifins mozzarellaosts með viðbættum jurtaolíum því sem tíðkast erlendis, með fyrirvara um endanlega útfærslu breytingarinnar.
Sjá umsögn SVÞ hér -> 18092026 SVÞ – ums. samr 167-2026. áform Skattar og Gjöld
17/09/2026 | Stjórnvöld, Umsagnir, Úr hagsmunagæslunni
SVÞ – Samtök verslunar og þjónustu hafa skilað umsögn um áform um innleiðingu markaðseftirlitsreglugerðar ESB. Samtökin fagna því að ekki sé fyrirhugað að ganga lengra en lágmarkskröfur reglugerðarinnar segja til um og leggja áherslu á að sú nálgun skili sér í útfærslu laganna.
Í umsögninni kalla SVÞ eftir þarfagreiningu áður en heimild til innheimtu eftirlitskostnaðar hjá fyrirtækjum er nýtt, fyrirsjáanlegum og hóflegum viðurlögum og skýrum skilyrðum fyrir beitingu valdheimilda. Eftirlitið verði áhættumiðað svo fyrirtæki sem almennt fylgja reglum sæti ekki óþarfa eftirliti eða kostnaði. Þá leggja samtökin áherslu á að svigrúm reglugerðarinnar verði greint áður en frumvarp er lagt fram, til að koma í veg fyrir séríslenskar kröfur umfram það sem innleiðingin krefst.
Sjá umsögn SVÞ hér -> 17092026 SVÞ – ums. samr 165-2026. áform Markaðseftirlit (1)
07/09/2026 | Bílgreinasambandið, Stjórnvöld, Umsagnir, Úr hagsmunagæslunni
SVÞ – Samtök verslunar og þjónustu hafa skilað umsögn um áform um breytingar á lögum um kílómetragjald á ökutæki. Samtökin fagna fyrirhuguðum úrbótum, meðal annars heimildum til að leiðrétta ranga álagningu, sveigjanlegri skráningu aksturs og því að ógreitt gjald fyrri eiganda hindri ekki aðalskoðun ökutækis.
SVÞ leggja jafnframt áherslu á að rekstraraðilar stærri ökutækja geti fengið mánaðarlega álagningu miðað við raunverulegan akstur til að bæta yfirsýn yfir rekstrarkostnað. Þá kalla samtökin eftir úrbótum á skráningu og gjaldtöku vegna eftirvagna og benda á hættu á rangri skiptingu aksturs milli tímabila þegar gjaldskrár breytast um áramót. Markmiðið er að tryggja rétta, gagnsæja og skiljanlega álagningu.
Sjá umsögn SVÞ -> 20260916 Umsögn SVÞ um kílómetragjald
01/09/2026 | Fréttamolar SVÞ, Fréttir, Innra starf, Stjórnvöld, Úr hagsmunagæslunni
Júlí og ágúst einkenndust af öflugri hagsmunagæslu í samkeppnis- og regluverksmálum, þar sem sjónum var sérstaklega beint að dagvöruverði, nýjum umbúðareglum og breyttu fyrirkomulagi áfengissölu, auk þess sem SVÞ fylgdust með alþjóðlegri þróun og áhrifum hennar á íslenska verslun og þjónustu.
FRÉTTAMOLAR SVÞ ÁGÚST 2026
Síða 1 af 1812345...10...»Síðasta »
