Mikilvægu málin: Samtöl frambjóðenda og stjórnenda
Nú í aðdraganda Alþingiskosninga hafa verið birtir á vb.is sérstakir samtalsþættir SVÞ. Í þáttunum ræða frambjóðendur nokkurra stjórnmálaflokka og stjórnendur fyrirtækja innan SVÞ mál sem snerta rúmlega 400 aðildarfyrirtæki SVÞ með einum eða öðrum hætti.
Þættirnir gefa aðildarfyrirtækjum SVÞ og öðrum í atvinnulífinu tækifæri til að kynnast afstöðu stjórnmálaflokka til mála sem standa atvinnulífinu nærri. Rætt er um framtíðina í verslun og þjónustu, menntamál og hlutverk sjálfstæðra skóla, matvöru og matvöruverslun, samgöngur og ökutæki, opinber innkaup og útvistun verkefna og hlutverk einkaaðila við veitingu heilbrigðisþjónustu.
Þættina á finna á vb.is auk þess sem frekari umfjöllun kemur fram á vefsíðu SVÞ og samfélagsmiðlum (sjá m.a. pósta hér neðst á síðunni), auk útsendinga á hátt í 4.000 tölvupóstföng á póstlista samtakanna.
Samtölin eru almennt 15-20 mínútna löng og er stjórnað af Ólöfu Skaftadóttur.
Fylgstu með þáttunum hér
Smelltu á viðkomandi mynd til að horfa á þættina eftir því sem þeir eru birtir.
Ragnar Þór Ingólfsson, oddviti Flokks fólksins í Reykjavíkurkjördæmi norður, og Finnur Oddsson, forstjóri Haga ræða framtíð verslunar og þjónustu.
Guðmundur Ari Sigurjónsson, 2. sæti á lista Samfylkingarinnar í Suðvesturkjördæmi og Bóas Hallgrímsson, framkvæmdastjóri fræðslu og fagstarfs hjá Hjallastefnunni ræða menntamál.
Þorbjörg Sigríður Gunnlaugsdóttir, oddviti Viðreisnar í Reykjavíkukjördæmi suður, og Björgvin Víkingsson, framkvæmdastjóri Bónus ræða matvöru og matvöruverslun.
Þórdís Kolbrún Reykfjörð Gylfadóttir, í 2. sæti Sjálfstæðisflokksins í Suðvesturkjördæmi, og Jónas Kári Eiríksson, framkvæmdastjóri vörustýringar hjá Öskju ræða samgöngur og ökutæki.
Sigríður Á. Andersen, oddviti Miðflokksins Reykjavíkurkjördæmi norður, og Ari Þórðarson, framkvæmdastjóri Hreint ehf. ræða opinber innkaup og útvistun verkefna hins opinbera.
Willum Þór Þórsson, oddviti Framsóknarflokksins í Suðvesturkjördæmi, og Dagný Jónsdóttir, framkvæmdastjóri Orkuhússins ræða heilbrigðisþjónustu.
Fréttir og greinar
Mikilvægu málin: Samtöl frambjóðenda og stjórnenda
Næstu daga verða birtir sérstakir samtalsþættir SVÞ - Samtaka verslunar og þjónustu í aðdraganda Alþingiskosninga. Í þáttunum ræða frambjóðendur...
Ekki missa af neinu!
Skráðu þig á póstlistann og við sendum þér nýjustu fréttirnar í tengslum við þættina og starfsemi SVÞ