Samtök sveitarfélaga á höfuðborgarsvæðinu skoða nú mótun og skipulag um áfangastaða- og markaðsstofu fyrir allt höfuðborgarsvæðið með þátttöku stjórnvalda, sveitarfélaga, atvinnulífsins og annarra hagaðila. Verkefnið hefur það markmið að efla samstarf sveitarfélaga og atvinnulífs um ferðamál á höfuðborgarsvæðinu. Hagaðilum er nú boðið til kynningarfundar sem haldinn verður á netinu föstudaginn 21. maí, þar sem farið verður yfir stöðu verkefnisins.