FRÆÐSLA
Fræðsla og hæfniþróun – lykill að árangri
SVÞ leggur áherslu á að efla menntun og hæfniþróun í verslunar- og þjónustugreinum. Samtökin vinna að mótun grunn- og framhaldsmenntunar með tilliti til þarfa atvinnulífsins og styðja við starfs- og endurmenntun starfsfólks.
Samstarf og stefnumótun SVÞ vinna með yfirvöldum, launþegasamtökum og atvinnurekendasamtökum að mótun menntastefnu og eiga fulltrúa í stjórn SVS – Starfsmenntasjóðs verslunar og skrifstofufólks.
Stafræn viðskiptalína og Fagnám verslunar SVÞ komu að stofnun Stafrænnar viðskiptalínu með Verzlunarskóla Íslands og vinna að þróun Fagnáms verslunar með SVS og Fræðslumiðstöð atvinnulífsins.
Ræktum vitið – hæfni starfsfólks í brennidepli Samstarfsverkefni SVÞ, VR og LÍV Ræktum vitið, setur athyglina á hæfni starfsfólks í greininni. Verkefnið leggur áherslu á sí- og endurmenntun og íslenskunám fyrir erlenda starfsmenn. Vefsíðan raektumvitid.is var opnuð í febrúar 2025.
Nýtt nám í stjórnun verslunar og þjónustu Háskólinn á Bifröst býður upp á nýtt BS-nám í stjórnun verslunar og þjónustu til að mæta þörfum atvinnulífsins. Nánari upplýsingar: bifrost.is.
Fræðsluviðburðir og námskeið SVÞ skipuleggja reglulega fræðsluviðburði og námskeið til að styrkja starfsemi fyrirtækja og auka samkeppnishæfni.
Með markvissri fræðslu og samstarfi tryggjum við framþróun verslunar og þjónustu á Íslandi!
FRÆÐSLUVIÐBURÐIR Á NÆSTUNNI
Þessi þjónusta – skiptir hún einhverju máli?
Mikilvægi góðrar þjónustu verður seint ofmetið. Við fáum til okkar Fanney Þórisdóttur sem sér um þjálfun starfsfólks Bláa Lónsins en verslun þeirra við Laugaveg þótt bera af nýlega þegar veitt voru verðlaun til verslana í miðborginni.
Fyrirlestur: Að lifa af í breyttum heimi verslunar og þjónustu
Omni Channel stefnumörkun sem eykur samkeppnishæfni þíns fyrirtækis. Fyrirlestur með Eddu Blumenstein, ráðgjafa og doktorsnema i Omni channel sölu og markaðsstefnu við Leeds University Business School.
Námskeið: Að byggja upp tölvupóstlistann
Hvernig byggir þú upp tölvupóstlista fyrirtækisins þíns til notkunar í markaðssetningu? Námskeið þann 22. janúar 2019. Kennari: Þóranna K. Jónsdóttir
Fræðslufundur: Hvernig tökum við á móti ferðamönnum frá Kína?
Samtök verslunar og þjónustu, Samtök ferðaþjónustunnar, Ferðamálastofa, Íslandsstofa og Íslensk-kínverska viðskiptaráðið gangast fyrir fræðslufundi um hvernig við getum best tekið á móti ferðamönnum frá Kína.
Námskeið: Leitarvélabestun vefverslana, 13. nóvember 2018
Markaðssetning á leitarvélum er gríðarlega mikilvæg fyrir verslanir sem selja vörur og þjónustu á netinu. Farið verður yfir möguleika á leitarvélum, hvernig fyrirtæki geta aukið sýnileika sinn og netsölu með leitarvélabestun.
Námskeið: Efnismarkaðssetning, 30. október 2018
Efnismarkaðssetning (e. Content marketing) er ein öflugasta leiðin til að byggja upp og viðhalda sambandi við viðskiptavininn, sérstaklega þegar hún er nýtt á áhrifaríkan hátt í samspili við markaðssetningu á samfélagsmiðlum og með tölvupósti.