Við vekjum athygli ykkar á því að skráning stendur yfir í námslínuna Stjórnendur í verslun og þjónustu hjá Opna háskólanum í Háskólanum í Reykjavík. Námslínunni var ýtt úr vör haustið 2016 og gáfu nemendur náminu mjög góða umsögn.
Hér má sjá viðtal við Ásdísi Jörundsdóttur, rekstrarstjóra hjá www.skor.is og www.air.is, í VR blaðinu – http://vefbirting.oddi.is/vr/vr-4tbl-des2016/files/assets/basic-html/page-22.html
Og þetta hafði Sófús Árni Hafsteinsson, verslunarstjóri ELKO um námið að segja
„Helsti styrkleiki námsins er áhersla á hagnýt atriði sem snerta stjórnendur í verslun í dag. Námið veitir nýjum stjórnendum þekkingu á faglegum vinklum starfsins og gefur reynslumiklum stjórnendum nýja sýn á starf sitt. Í náminu er samankomnir einstaklingar úr mismunandi verslunar- og þjónustustörfum sem miðla af fjölbreyttri reynslu sinni.“
Námslínan er samstarfsverkefni Opna háskólans í HR og Samtaka verslunar og þjónustu og er ætluð stjórnendum.
Námslínan samanstendur af sjö efnisþáttum
- Stjórnun og leiðtogahæfni
- Mannauðsstjórnun
- Framsögn og framkoma
- Tímastjórnun og skipulag
- Sölutækni og þjónustustjórnun
- Markaðsmál – Uppstilling og framsetning
- Rekstur og fjármál
Nánari upplýsingar og skráning á vef Opna háskólans