Finnur: Viljum við ýta við­skiptunum til út­landa?

25/11/2024 | Fréttir, Kosningar 2024

Vb.is birtir þann 25. nóvember 2024:

Finnur: Viljum við ýta við­skiptunum til út­landa?

For­stjóri Haga telur ákveðinn tvískinnung að sömu aðilar og gera at­huga­semdir við net­verslun með áfengi séu á sama tíma að fjár­festa í áfengis­fram­leiðendum.

Finnur Oddsson, forstjóri Haga, segir óskiljanlegt að íslenskum fyrirtækjum sé bannað að veita sömu þjónustu og…

Lestu greinina hér: https://vb.is/frettir/finnur-viljum-vid-yta-vidskiptunum-til-utlanda/

Viltu vita meira um þættina þar sem rædd eru fjölbreytt mál sem félagsfólk varðar, s.s matvörur og matvöruverslun, samgöngur og ökutæki, einkarekstur í heilbrigðisþjónustunni o.fl. Þú getur fengið allar upplýsingar um þá hér: svth.is/kosningar-2024

Mikilvægu málin: Samtöl frambjóðenda og stjórnenda

24/11/2024 | Fréttir, Kosningar 2024

Næstu daga verða birtir sérstakir samtalsþættir SVÞ – Samtaka verslunar og þjónustu í aðdraganda Alþingiskosninga. Í þáttunum ræða frambjóðendur nokkurra stjórnmálaflokka og stjórnendur fyrirtækja mál sem snerta rúmlega 400 aðildarfyrirtæki SVÞ með einum eða öðrum hætti.

Þættirnir gefa aðildarfyrirtækjum SVÞ og öðrum í atvinnulífinu tækifæri til að kynnast afstöðu stjórnmálaflokka til mála sem standa atvinnulífinu nærri. Rætt verður um framtíðina í verslun og þjónustu, menntamál og hlutverk sjálfstæðra skóla, matvöru og matvöruverslun, samgöngur og ökutæki, opinber innkaup og útvistun verkefna og hlutverk einkaaðila við veitingu heilbrigðisþjónustu.

Þættirnir verða birtir á vb.is auk þess sem frekari umfjöllun mun koma fram á vefsíðu SVÞ og samfélagsmiðlum. Þar að auki verður stjórnendum aðildarfyrirtækja SVÞ haldið upplýstum um birtingu þáttanna og frekari umfjöllun, auk útsendinga á hátt í 4.000 tölvupóstföng á póstlista samtakanna.

Samtölin eru almennt 15-20 mínútna löng og er stjórnað af Ólöfu Skaftadóttur. Hér fyrir neðan má finna nánari upplýsingar um þátttakendur eftir málaflokkum:

Verslun og þjónusta: 

Ragnar Þór Ingólfsson, oddviti Flokks fólksins í Reykjavíkurkjördæmi norður, og Finnur Oddsson, forstjóri Haga

Samtal Ragnars og Finns um verslun og þjónustu hefur þegar verið birt á vb.is og má sjá hér

Menntamál:

Guðmundur Ari Sigurjónsson, 2. sæti á lista Samfylkingarinnar í Suðvesturkjördæmi og Bóas Hallgrímsson, framkvæmdastjóri fræðslu og fagstarfs hjá Hjallastefnunni.

Matvara og matvöruverslun:

Þorbjörg Sigríður Gunnlaugsdóttir, oddviti Viðreisnar í Reykjavíkukjördæmi suður, og Björgvin Víkingsson, framkvæmdastjóri Bónus.

Samgöngur og ökutæki:

Þórdís Kolbrún Reykfjörð Gylfadóttir, í 2. sæti Sjálfstæðisflokksins í Suðvesturkjördæmi, og Jónas Kári Eiríksson, framkvæmdastjóri vörustýringar hjá Öskju.

Opinber innkaup og útvistun verkefna:

Sigríður Á. Andersen, oddviti Miðflokksins Reykjavíkurkjördæmi norður, og Ari Þórðarson, framkvæmdastjóri Hreint ehf.

Heilbrigðisþjónusta:

Willum Þór Þórsson, oddviti Framsóknarflokksins í Suðvesturkjördæmi, og Dagný Jónsdóttir, framkvæmdastjóri Orkuhússins.

Fylgstu með:

Fréttum hér á heimasíðu Samtakanna

Samfélagsmiðlum SVÞ:

Facebook/samtok.vth

LinkedIn/company/svth

Til að missa ekki af neinu, skráðu þig á póstlista SVÞ, hér.