04/11/2019 | Fræðsla, Fréttir, Netglæpir
Skýrt kom fram í erindum á framhaldsfundi SVÞ um netglæpi að mannlegi þátturinn er mikilvægasta vörnin. Á fundinum, sem var beint framhald fyrri fundar SVÞ um tölvuglæpi 16. október þar sem fullt var út úr dyrum, héldu fulltrúar Íslandsbanka, Landsbankans og Deloitte erindi.
Miklu algengara er að tölvuþrótar komist inn í kerfi fyrirtækja í gegnum starfsfólk heldur en með tæknilegum leiðum í gegnum kerfin sjálf. Því er mjög mikilvægt að fyrirtæki þjálfi starfsfólk sitt í vörnum gegn netglæpum. Mörg fyrirtæki, einkum verslanir, hafa lengi þjálfað starfsfólk til varna gegn þjófnaði, en þjálfun gegn netglæpum er í raun enn mikilvægari því upphæðirnar sem um ræðir eru mun hærri. Þetta sést t.d. vel á tveimur nýlegum málum, en í haust birtust fréttir af því að Rúmfatalagerinn hafi tapað nærri 900 milljónum króna og HS Orka hátt í 400 milljónum vegna netglæpa. Upphæðir sem tapast vegna þjófnaða í verslunum fölna í samanburði við þessar tölur.
Auk þjálfunar starfsfólks kom einnig fram í erindunum að tveggja þátta auðkenning (e. two-factor authentication) væri lykilatriði til varnar netglæpum, en skv. rannsókn Deloitte eru einungis um 1/4 hluti fyrirtækja að nýta slíka auðkenningu.
Félagar í SVÞ geta nú séð upptöku af fyrirlestrunum og nálgast eintak af glærum þeirra Vilhelms Gauta Bergsveinssonar og Úlfars Andra Jónassonar frá Deloitte í lokuðum Facebook hóp SVÞ félaga hér. Athugið að til að fá aðgang þarftu að svara nokkrum spurningum svo við getum tryggt að þú sért starfsmaður aðildarfyrirtækis.
04/11/2019 | Fræðsla, Fréttir, Viðburðir
31/10/2019 | Fræðsla, Fréttir, Stjórnvöld, Viðburðir
Fimmtudaginn 31. október stóðu SVÞ, SAF og SI fyrir upplýsingafundi um skyldur tilkynningaskyldra aðila innan raða samtakanna vegna stöðu Íslands á gráum lista Financial Action Task Force (FATF) vegna vegna ónógra varna gegn peningaþvætti og fjármögnun hryðjuverka. Á fundinum héldu eftirtaldir aðilar erindi:
Eiríkur Ragnarsson, lögfræðingur hjá Ríkisskattstjóra
Birkir Guðlaugsson, lögfræðingur hjá Ríkisskattstjóra
Hér má hlaða niður glærum Eiríks og Birkis á PDF formi: RKS kynning – SVÞ 31. okt 2019
Áslaug Jósepsdóttir, sérfræðingur á skrifstofu almanna- og réttaröryggis Dómsmálaráðuneytisins
Guðrún Ögmundsdóttir, forstöðumaður á sviði fjármálastöðugleika hjá Seðlabankanum
Hér má hlaða niður glærum Áslaugar og Guðrúnar á PDF formi: DMR og Seðlabankinn Kynning SVÞ 31. október
Upptöku frá fundinum má nú sjá hér fyrir neðan:
31/10/2019 | Fræðsla, Fréttir, Verslun, Viðburðir
28/10/2019 | Fræðsla, Fréttir, Umhverfismál, Viðburðir
Til að aðstoða félagsmenn við að bæta sjálfbærni og umhverfisvernd fyrirtækja sinna fengu við til okkar góða gesti miðvikudaginn 23. október sl. til að ræða um umbúðir og endurvinnslu.
Fundurinn var vel sóttur enda erindin bæði gagnleg og fróðleg. Líf Lárusdóttir og Jónína Guðný Magnúsdóttir frá Terra fræddu okkur um mikilvægi flokkunar í fyrirtækjum og stofnunum og endurvinnslu og nýsköpun umbúða. Áslaug Hulda Jónsdóttir fræddi okkur um endurvinnslu plasts, en fyrirtæki hennar, Pure North Recycling, er eina plastendurvinnslufyrirtæki landsins.
Félagsmenn í SVÞ geta nú séð upptöku frá fundinum í lokaða Facebook hópnum okkar hér. Athugið að svara þarf laufléttum spurningum til að komast inn í hópinn sem er eingöngu ætlaður fyrir félagsmenn.
28/10/2019 | Fræðsla, Fréttir, Viðburðir
Vinnutímastytting samkvæmt kjarasamningum SA við VR og LÍV kemur til framkvæmda 1. janúar næstkomandi og er gert ráð fyrir að samkomulag verði gert á vinnustöðum um fyrirkomulag styttingar fyrir 1. desember.
Kynningarefni Samtaka atvinnulífsins er aðgengilegt á vinnumarkaðsvef SA.
Ýmsir valkostir eru við innleiðingu vinnutímastyttingar og mjög mikilvægt fyrir atvinnurekendur og launafólk að vel takist til.
Samtök atvinnulífsins bjóða því stjórnendum aðildarfyrirtækja upp á námskeið/málstofur þar sem farið verður yfir góða framkvæmd vinnutímastyttingar. SA munu leita til valinna fyrirtækja um að kynna hugmyndir/áform um framkvæmdina og góður tími verður fyrir umræður.
Fjórða málstofan verður 4. nóvember kl. 10.30-12.00 og sú fimmta 8. nóvember. Fleirum verður bætt við ef þörf krefur. Athugið að sama efnið er til umfjöllunar á hverri málstofu.
Málstofan fer fram í Húsi atvinnulífsins, Borgartúni 35, í salnum Hyl á 1. hæð. Allt að 50 geta tekið þátt í hvert sinn.
SMELLTU HÉR TIL AÐ SKRÁ ÞIG Á MÁLSTOFUNA 4. NÓVEMBER KL. 10:30-12:00
SMELLTU HÉR TIL AÐ SKRÁ ÞIG Á MÁLSTOFUNA 8. NÓVEMBER KL. 10:30-12:00
