10/04/2026 | Stjórnvöld, Umsagnir, Úr hagsmunagæslunni, Útgáfa
SVÞ – Samtök verslunar og þjónustu skiluðu umsögn, dags. 10. apríl 2026, um frumvarp til laga um innviðafélag þar sem samtökin lýsa stuðningi við markmið um uppbyggingu samgönguinnviða en leggja áherslu á að taka þurfi mið af efnahagslegum áhrifum við forgangsröðun verkefna.
Samtökin fjalla jafnframt um veggjöld og leggja áherslu á að gjaldtaka sé í samræmi við ávinning, dreifist með sanngjörnum hætti og að hún sé metin í samhengi við þær skatttekjur sem þegar eru innheimtar af ökutækjum og eldsneyti.
SMELLTU HÉR til að hlaða niður umsögninni.
07/04/2026 | Samtök lyfjaheildsala, Stjórnvöld, Umsagnir, Úr hagsmunagæslunni, Útgáfa
SVÞ – Samtök verslunar og þjónustu hafa, fyrir hönd Samtaka lyfjaheildsala, skilað umsögn, dags. 7. apríl 2026, um frumvarp til laga um viðbrögð við lyfjaskorti o.fl., þar sem bent er á skort á heildrænni greiningu og óvissu um áhrif breytinga á lyfjamarkað.
Í umsögninni er m.a. fjallað um breytingar á lyfjalögum, birgðaskyldu, viðurlög og reglugerðarheimildir, auk þess sem tekið er fram að taka þurfi mið af alþjóðlegu eðli lyfjamarkaða og væntanlegri endurskoðun innan EES.
SMELLTU HÉR til að lesa umsögnina.
23/03/2026 | Umsagnir, Úr hagsmunagæslunni, Útgáfa
SVÞ sendu 23. mars 2026 umsögn um frumvarp til breytinga á áfengislögum um vefverslun með áfengi. Samtökin styðja frumvarpið og telja tímabært að laga löggjöfina að breyttum verslunarháttum og raunveruleika vefverslunar. Þau leggja áherslu á að heimila innlenda vefverslun með áfengi á grundvelli skýrra reglna, meðal annars til að tryggja jafnræði við erlenda aðila, bæta samkeppnisstöðu og halda utan um viðskipti sem þegar eiga sér stað.
SMELLTU HÉR til að lesa umsögn SVÞ.
17/03/2026 | Umsagnir, Úr hagsmunagæslunni, Útgáfa
SVÞ sendu 17. mars 2026 umsögn um þingsályktunartillögu um endurskoðun tollameðferðar á matvælum, þar sem samtökin telja ekki þörf á frekari tollahækkunum. Þau vara við neikvæðum áhrifum á verð og samkeppni og leggja áherslu á einfaldara virðisaukaskattskerfi og endurskoðun tollverndar til að draga úr verðbólguþrýstingi.
SMELLTU HÉR til að hlaða niður umsögn um þingsályktunartillögu
12/03/2026 | Umsagnir, Úr hagsmunagæslunni, Útgáfa
SVÞ sendu 12. mars 2026 umsögn um deiliskipulag Borgarlínu á Suðurlandsbraut þar sem samtökin telja tillöguna ganga of langt gagnvart hagsmunum fyrirtækja og starfsfólks á svæðinu. Þau vara sérstaklega við verulegri fækkun bílastæða, auknum umferðarþunga og neikvæðum áhrifum á rekstur. SVÞ leggja áherslu á að skoða aðra staðsetningu Borgarlínu og stigvaxandi innleiðingu breytinga til að draga úr raski og tryggja betri samgöngur.
Umsögn SVÞ Suðurlandsbraut Borgarlína
02/03/2026 | Umsagnir, Úr hagsmunagæslunni, Útgáfa
SVÞ sendu 2. mars 2026 umsögn um grænbók um byggðamál þar sem samtökin leggja áherslu á að góðir innviðir, sérstaklega vegasamgöngur, séu grundvallarforsenda byggðarþróunar. Þau kalla eftir markvissri uppbyggingu vegakerfisins á grundvelli kostnaðar- og ábatagreininga, aukinni vetrarþjónustu og því að tekjur af ökutækjum og umferð renni til vegamála. Þá leggja samtökin áherslu á skýrt regluverk til að styðja orkuskipti í samgöngum og benda á nauðsyn þess að nýta heimildir til að auðvelda innleiðingu rafknúinna ökutækja.
Umsögn um grænbók um byggðamál
