Gagnleg og fróðleg erindi um umbúðir og endurvinnslu
Til að aðstoða félagsmenn við að bæta sjálfbærni og umhverfisvernd fyrirtækja sinna fengu við til okkar góða gesti miðvikudaginn 23. október sl. til að ræða um umbúðir og endurvinnslu.
Fundurinn var vel sóttur enda erindin bæði gagnleg og fróðleg. Líf Lárusdóttir og Jónína Guðný Magnúsdóttir frá Terra fræddu okkur um mikilvægi flokkunar í fyrirtækjum og stofnunum og endurvinnslu og nýsköpun umbúða. Áslaug Hulda Jónsdóttir fræddi okkur um endurvinnslu plasts, en fyrirtæki hennar, Pure North Recycling, er eina plastendurvinnslufyrirtæki landsins.
Félagsmenn í SVÞ geta nú séð upptöku frá fundinum í lokaða Facebook hópnum okkar hér. Athugið að svara þarf laufléttum spurningum til að komast inn í hópinn sem er eingöngu ætlaður fyrir félagsmenn.
Málstofa SA um vinnutímastyttingu skv. kjarasamningum
Vinnutímastytting samkvæmt kjarasamningum SA við VR og LÍV kemur til framkvæmda 1. janúar næstkomandi og er gert ráð fyrir að samkomulag verði gert á vinnustöðum um fyrirkomulag styttingar fyrir 1. desember.
Kynningarefni Samtaka atvinnulífsins er aðgengilegt á vinnumarkaðsvef SA.
Ýmsir valkostir eru við innleiðingu vinnutímastyttingar og mjög mikilvægt fyrir atvinnurekendur og launafólk að vel takist til.
Samtök atvinnulífsins bjóða því stjórnendum aðildarfyrirtækja upp á námskeið/málstofur þar sem farið verður yfir góða framkvæmd vinnutímastyttingar. SA munu leita til valinna fyrirtækja um að kynna hugmyndir/áform um framkvæmdina og góður tími verður fyrir umræður.
Fjórða málstofan verður 4. nóvember kl. 10.30-12.00 og sú fimmta 8. nóvember. Fleirum verður bætt við ef þörf krefur. Athugið að sama efnið er til umfjöllunar á hverri málstofu.
Málstofan fer fram í Húsi atvinnulífsins, Borgartúni 35, í salnum Hyl á 1. hæð. Allt að 50 geta tekið þátt í hvert sinn.
SMELLTU HÉR TIL AÐ SKRÁ ÞIG Á MÁLSTOFUNA 4. NÓVEMBER KL. 10:30-12:00
SMELLTU HÉR TIL AÐ SKRÁ ÞIG Á MÁLSTOFUNA 8. NÓVEMBER KL. 10:30-12:00
Hvað segja bankarnir? – framhaldsfundur um tölvuglæpi
Troðfullt hús, upptaka og RÚV fréttir af tölvuglæpaviðburði SVÞ
Það var fullt út úr dyrum á vel heppnuðum hádegisfundi SVÞ um tölvuglæpi s.l. miðvikudag, 16. október. Á fundinum sagði Orri Hlöðversson, forstjóri Frumherja, frá reynslu fyrirtækisins af því er tölvuþrjótar reyndu að stela 5 milljónum króna af fyrirtækinu en tókst ekki. Það sem varð Frumherja til bjargar var frétt sem gjaldkeri fyrirtækisins sá fyrir tilviljun og snör viðbrögð viðskiptabanka Frumherja. Ragnar Sigurðsson, heiðarlegur hakkar (e. certified ethical hacker) og framkvæmdastjóri AwareGO ræddi helstu leiðir sem tölvuþrjótar nota til að fremja glæpi sína og hvernig fyrirtæki geta varið sig.
RÚV mætti á staðinn og tók viðtal við frummælendur og má sjá fréttina með því að smella hér eða á myndina hér fyrir neðan og smella svo á 00:07:35 – Netöryggi íslenskra fyrirtækja ábótavant, undir myndbandinu á vef RÚV.
Viðburðinum var streymt í heild sinni inn á lokaðan Facebook hóp SVÞ félaga og geta félagar sem ekki komust eða sáu streymið á miðvikudaginn nú séð upptöku af honum hér inni í hópnum. Athugið að svara þarf nokkrum spurningum til að sækja um aðgang og að hópurinn er eingöngu fyrir þá sem starfa hjá aðildarfyrirtækjum SVÞ.
Við hvetjum alla til að vera á varðbergi gagnvart tölvuglæpum og munum halda áfram að fræða félagsmenn um þær hættur sem til staðar eru og hvernig má verjast þeim.
