15/01/2019 | Fræðsla, Fréttir, Viðburðir
Hvernig færðu fólk til að skrá sig á póstlistann þinn?
Kennari: Þóranna K. Jónsdóttir, markaðs- og kynningarstjóri SVÞ og SAF
Hvar: Hyl, Húsi atvinnulífsins, Borgartúni 35, 105 Reykjavík
Hvenær: Þriðjudaginn 22. janúar kl. 8:30-10:00
Í framhaldi af námskeiði með Þórönnu sem haldið var síðastliðið haust um áhrifaríka markaðssetningu með tölvupósti, verður nú boðið upp á námskeið í því hvernig byggja má upp tölvupóstlista fyrirtækisins til notkunar í markaðssetningu. Ekki er nauðsynlegt að hafa sótt fyrra námskeiðið.
Farið verður yfir hinar ýmsu leiðir til að fá fólk til að skrá sig á listann, svo sem:
- Staðsetningar skráningarforma á vefnum
- Notkun samfélagsmiðla við að byggja upp póstlistann
- Notkun efnis til að fá fólk á listann (efnismarkaðssetning)
Frítt fyrir félagsmenn en aðrir greiða kr. 2.500,-
Athugið að boða þarf forföll í síðasta lagi á hádegi daginn fyrir námskeið með tölvupósti á svth@svth.is, annars fæst ekki endurgreitt.
Skráningu lýkur kl. 12:00 á hádegi mánudaginn 21. janúar.
Vinsamlegast smelltu á hnappinn til að fara á skráningarformið. Athugið að ef þú ert ekki félagsmaður, þá biðjum við þig að ganga frá greiðslu í gegnum hnappinn sem birtist með skráningarstaðfestingunni.
03/01/2019 | Fræðsla, Fréttir, Viðburðir
11/12/2018 | Fréttir, Viðburðir
Aðalfundur SVÞ verður haldinn fimmtudaginn 14. mars nk.
Að venju verður haldin vegleg ráðstefna í tengslum við aðalfundinn síðar um daginn. Ráðstefnan fer fram á Hilton Reykjavik Nordica. Aðalfyrirlesari verður Greg Williams, aðalritstjóri WIRED Magazine.
Taktu daginn frá!
Um Greg Williams:
- Sérfræðingur í umbreytingaþróun og fyrstur til að vita hvað kemur næst
- Getur sett fram upplýsingar um flóknar breytingar á skemmtilegan og skiljanlegan hátt sem nær til áheyrenda
- Ögrar áheyrendum og fær þau til að endurhugsa viðskiptamódel til að nýta sem best tæknina sem er að hrista upp í heiminum
Greg Williams er virtur sérfræðingur þegar kemur að tæknibreytingum og hvernig þær hafa áhrif á viðskiptalífið og samfélög okkar í heild. Í starfi sínu sem aðalritstjóri tímaritsins WIRED hittir Greg frumkvöðla, hugsuði, vísindafólk, athafnafólk og skapandi fólk sem er að breyta heiminum og skrifar um fjölmörg málefni á borð við nýsköpun, tækni, viðskipti, sköpun og hugmyndir.
Auk þess að stýra WIRED hefur Greg skrifað fyrir miðla á borð við The Guardian, Obeserver, Arena, The Face, Details og Newsweek. Hann er einnig höfundur fimm skáldsagna undir nafninu Gregory Lee. Ritgerð hans um taugahagfræði (e. neuroeconomics) birtist nýlega í bókinni ‘Connecting Minds, Creating the Future’ ásamt aðilum á borð við Hans Rosling og Bill Gates.
Sem ráðgjafi hefur Greg unnið með fyrirtækjum í orkugeiranum, samskiptum, fjármálum, tísku, tækni og smásölu. Meðal verkefna hans hjá WIRED er að ritstýra árlegri útgáfu blaðsins um það sem búast má við á komandi ári, The WIRED World.
Greg hefur talað víða um heim, m.a. hjá Strelka Institue í Moskvu, Instite of Practicitioners in Advertising í London og hjá Oxford háskóla. Hann hefur stýrt pallborðsumræðum með stjórnendum FTSE 100 og Fortune 500 fyrirtækja m.a. á Advertising Week Europe og fyrir LinkedIn á Cannes Lions.
Greg hefur einstaka hæfileika til að flétta saman sagnahæfileika sína og djúpa þekkingu á framtíð tækni og viðskipta. Saman gerir þetta honum kleift að setja flóknar hugmyndir fram á skemmtilegan og aðgengilegan hátt og undirbúa áheyrendur undir það sem koma skal.
Frekari upplýsingar og skráning síðar. Fylgstu vel með!
27/11/2018 | Fréttir, Viðburðir
Góður rómur var gerður að fundi Litla Íslands þriðjudagsmorguninn 27. nóvember, undir yfirskriftinni „Geta litlu fyrirtækin hækkað kaupið?“
Á fundinum kynnti Óttar Snædal, hagfræðingur SA, nýjar hagtölur Litla Íslands og fjórir aðilar sem reka minni fyrirtæki sögðu frá sínum rekstrarveruleika og ræddu svigrúm til launahækkana. Að lokum hélt Guðmundur Gunnarsson, bæjarstjóri Ísafjarðar erindi og ræddi m.a. veruleika fyrirtækja á landsbyggðinni og landsbyggðina sem vænlegan búsetukost.
Streymt var frá fundinum á Facebook og má sjá upptökuna hér:
23/11/2018 | Fréttir, Viðburðir
– opinn umræðufundur Litla Íslands
Þriðjudaginn 27. nóvember efnir Litla Ísland til fundar til að ræða um stöðu lítilla og meðalstórra fyrirtækja í því árferði sem ríkir á vinnumarkaðnum í dag. Kjaraviðræður eru í fullum gangi og óhætt að segja að blikur séu á lofti, en þær snerta minni fyrirtæki ekki síður en þau stærri. Yfirskrift fundarins er „Geta litlu fyrirtækin hækkað kaupið?“
Á fundinum munu atvinnurekendur segja sögur af Litla Íslandi ásamt því að birtar verða nýjar tölur frá Hagstofu Íslands um launagreiðslur og umfang lítilla fyrirtækja.
Láttu þig málið varða og taktu þátt í fundinum!
DAGSKRÁ
Nýjar hagtölur Litla Íslands – Óttar Snædal, hagfræðingur á efnahagssviði SA
Sögur af Litla Íslandi:
- Brynja Brynjarsdóttir, eigandi Hraunsnefs sveitahótels ehf.
- Eva Hlín Dereksdóttir, framkvæmdastjóri Raftákn verkfræðistofu
- Ómar Pálmason, framkvæmdastjóri Aðalskoðunar
- Hrefna Björk Sverrisdóttir, framkvæmdastjóri Rok restaurant ehf.
Mikilvægi lítilla fyrirtækja – Guðmundur Gunnarsson, bæjarstjóri Ísafjarðabæjar
Fundarstjóri: Sigmar Vilhjálmsson, atvinnurekandi
SMELLTU HÉR TIL AÐ SKRÁ ÞIG!
19/11/2018 | Fréttir, Viðburðir
Mikil ánægja var með sameiginlega ráðstefnu SVÞ og SAF um Alipay og viðskipti við kínverska ferðamenn, sem haldin var 8. nóvember sl.
Xiaoquion Hu, yfirmaður viðskiptaþróunar DACH og CEE, Alipay Europe kynnti Alipay greiðslulausnina. Í máli hennar kom fram að Kínverjar eyða mest allra ferðamanna – tvisvar sinnum meira en næsta þjóð, sem er Bandaríkjamenn. Alipay er mest notaða greiðslulausnin í Kína og er í dag stærsta greiðslulausn í heimi með yfir 870 milljón virka notendur.
Í máli Gunnhildar Vilbergsdóttur, deildarstjóra viðskipta á viðskiptasviði Keflavíkurflugvallar kom fram að þær verslanir á Keflavíkurflugvelli sem tekið hafa upp Alipay eru nú þegar að sjá árangur. Aukning hefur orðið í sölu og starfsfólk tekur eftir ánægju kínverskra ferðamanna með möguleikann á greiðslu með Alipay.
Danielle Neben, markaðsstóri ePassi Iceland (þjónustuaðili Alipay á Íslandi) flutti einnig erindi undir yfirskriftinni „Welcoming Chinese tourists in Iceland, Chinese culture and marketing opportunities”. Í erindinu komu fram ýmis góð ráð varðandi hvernig best er að taka á móti kínverskum ferðamönnum og þjónusta þá.
Viðskiptablaðið birti í síðustu viku viðtal við Xiaoquion Hu og má sjá hluta af því á vef vb.is hér og annan hluta hér. Viðtalið í heild má sjá í blaðinu.
Á myndinni má sjá, frá vinstri til hægri: Xiaoqiong Hu (Alipay), Jóhannes Þór Skúlason (SAF), Jin Zhijian (Sendiherra Kína á Íslandi), Danielle Neben (ePassi), Gunnhildur Vilbergsdóttir (Isavia), Niklas Löfgren (ePassi), Daniela Nittoli (ePassi)
