28/01/2019 | Fréttir, Viðburðir
Í framhaldi af fyrirlestri Eddu Blumenstein þann 29. janúar undir yfirskriftinni Að lifa af í breyttum heimi verslunar og þjónustu: Omni Channel stefnumörkun sem eykur samkeppnishæfni þíns fyrirtækis, verður haldin heilsdags vinnustofa þann 26. febrúar nk. frá kl. 9-5 þar sem þátttakendur marka omni channel stefnu fyrir sitt fyrirtæki undir leiðsögn Eddu.
Á vinnustofunni munu þáttakendur:
- Kortleggja núverandi stöðu fyrirtækisins síns – Skynja
- Greina tækifæri fyrirtækisins – Grípa
- Setja upp aðgerðaáætlun fyrir sitt fyrirtæki – Umbreyta
Afraksturinn verður skýr stefna og aðgerðaráætlun sem eflir samkeppnishæfni þíns fyrirtækis í sítengdum heimi.
Verð fyrir SVÞ félaga:
Kr. 25.000 fyrir fyrsta aðila frá fyrirtæki en aðrir frá sama fyrirtæki greiða kr. 10.000,-
Verð fyrir aðra:
Kr. 45.000 fyrir fyrsta aðila en aðrir frá sama fyrirtæki greiða kr. 15.000,-
Vinsamlegast skráið ykkur hér fyrir neðan. Upplýsingar um greiðslu verða sendar megintengilið fyrirtækisins. Skráning er ekki staðfest fyrr en gengið hefur verið frá greiðslu. Athugið að SVÞ áskilur sér rétt til að afboða vinnustofuna ef ekki er næg þátttaka.
22/01/2019 | Fréttir, Viðburðir
Fyrirlesari: Rúna Magnúsdóttir, stjórnendamarkþjálfi og alþjóðlegur fyrirlesari
Hvar: Hyl, Húsi atvinnulífsins, Borgartúni 25, 105 Reykjavík
Hvenær: Þriðjudaginn 5. febrúar kl. 8:30-10:00
Að ganga í takt – eldmóðurinn, gleðin og vinnustaðamenningin er létt og skemmtileg örvinnustofa þar sem farið verður yfir yfir áhrifaríkar leiðir til að efla innra brand fyrirtækisins, bæta starfsandann og búa til vinnustaðamenningu þar sem allir innan fyrirtækisins finna til sín og ganga í takt. Útkoman er:
- Leiðarvísir sem eflir og tengir starfsfólk sterkari böndum við fyrirtækið
- Innsýn í áhrifaríkar leiðir sem opna jákvæð og gefandi samskipti milli starfsmanna og viðskiptavina
- Innsýn í hvernig starfsmenn þínir hafa nú þegar áhrif á vinnustaðamenninguna
Þátttakendur fylla út persónulegan prófíl sem gefur þeim innsýn í þeirra persónuleika og eintak af bókinni The Story of Boxes: The Good, The Bad and The Ugly, þar sem m.a. er farið í afleiðingar þeirra mannlegu hegðunar að setja sjálfa(n) sig og aðra í afmarkandi box. Þessi hugsun kemur oft í veg fyrir að hægt sé að efla starfsandann og fá fólk til að tengjast ytra brandi fyrirtækisins.
Rúna Magnúsdóttir er stjórnendamarkþjálfi og alþjóðlegur fyrirlesari, stofnandi og framkvæmdastjóri The Change Makers, meðstofnandi #NoMoreBoxes og annar höfunda bókarinnar The Story of Boxes: The Good, The Bad and The Ugly. Rúna hefur haldið fyrirlestra og staðið fyrir námskeiðum og vinnustofum víða um heim, nú síðast #NoMoreBoxes Breakfast Club í sendiráðum Íslands í London og Washington auk fyrirhugaðs viðburðar í Georgetown University. Rúna hefur komið fram í fjölmiðlum á borð við Forbes, The Times, Metro og Just Entrepreneur.
Fyrir hverja hentar þessi fyrirlestur: Verslunar- og þjónustufyrirtæki sem vilja efla vinnustaðarmenninguna og tryggja að starfsmenn gangi í takt við stefnu fyrirtækisins.
Frítt fyrir félagsmenn en aðrir greiða kr. 2.500,-
Athugið að boða þarf forföll í síðasta lagi á hádegi daginn fyrir námskeið með tölvupósti á svth@svth.is, annars fæst ekki endurgreitt.
Skráningu lýkur kl. 12:00 á hádegi mánudaginn 4. febrúar.
Vinsamlegast smelltu á hnappinn til að fara á skráningarformið. Athugið að ef þú ert ekki félagsmaður, þá biðjum við þig að ganga frá greiðslu í gegnum hnappinn sem birtist með skráningarstaðfestingunni.
15/01/2019 | Fræðsla, Fréttir, Viðburðir
Omni Channel stefnumörkun sem eykur samkeppnishæfni þíns fyrirtækis
Fyrirlesari: Edda Blumenstein, ráðgjafi og doktorsnemi í Organisational Change og Omni channel sölu og markaðsstefnu við Leeds University Business School (eddablumenstein.com og Linkedin).
Hvar: Hyl, Húsi atvinnulífsins, Borgartúni 35, 105 Reykjavík
Hvenær: Þriðjudaginn 29. janúar 2019, kl. 8:30-10:00
Mikil umræða hefur verið um áskoranir í nútíma verslun og þjónustu. Stóra spurningin er: Af hverju lifa sum fyrirtæki af, vaxa og dafna meðan önnur þurfa að loka sjoppunni?
Stafrænar lausnir eru á allra vörum en er innleiðing stafrænna lausna einfaldlega nóg? Rannsóknir sýna að til að vera samkeppnishæf þá er ekki nóg að innleiða bara stafrænar lausnir (svo sem netverslun, app, messenger spjall og tölvupóst) heldur þarf að huga að því hvernig allar þessar leiðir og snertifletir vinna saman með hefðbundinni verslun og þjónustu til að hámarka upplifun viðskiptavina og heildarárangur fyrirtækisins.
Er þitt fyrirtæki að nýta sér þessi tækifæri sem nútíma verslun og þjónusta hefur upp á að bjóða?
Í fyrirlestrinum verður lögð megin áhersla á 3 lykilskref til að lifa af: Skynja, Grípa, Umbreyta.
- Viðskiptavinur þinn: Þekkir þú væntingar þinna viðskiptavina og ertu að nálgast þá á réttan hátt?
- Heildar kaupferlið: Viðskiptavinir í dag nota margar mismunandi leiðir til að taka kaupákvörðun og mörg mismunandi tæki. Þekkir þú kaupferli þinna viðskiptavina?
- Samþætting kanala: Viðskiptavinir í dag krefjast sömu upplifunar hvort sem það er í raunheimum eða stafrænum heimi. Fá viðskiptavinir þínir sömu upplifun hvar sem þeir komast í snertingu við þig?
Fyrir hverja hentar þessi fyrirlestur: Verslunar- og þjónustufyrirtæki sem vilja ná samkeppnisforskoti með því að nýta sér þau tækifæri sem nútíma verslun og þjónusta hefur upp á að bjóða.
Frítt fyrir félagsmenn en aðrir greiða kr. 2.500,-
Í framhaldi af fyrirlestrinum verður haldin eins dags Bootcamp vinnustofa þann 26. febrúar þar sem þátttakendum gefst tækifæri til að marka sína Omni Channel stefnu undir leiðsögn Eddu.
Hvar: Reykjavík – nánari staðsetning staðfest síðar
Hvenær: Þriðjudaginn 26. febrúar 2019 kl. 9:00-17:00
Nánari upplýsingar um vinnustofuna siðar.
Athugið að boða þarf forföll í síðasta lagi á hádegi daginn fyrir námskeið með tölvupósti á svth@svth.is, annars fæst ekki endurgreitt.
Skráningu lýkur kl. 12:00 á hádegi mánudaginn 28. janúar.
Vinsamlegast smelltu á hnappinn til að fara á skráningarformið. Athugið að ef þú ert ekki félagsmaður, þá biðjum við þig að ganga frá greiðslu í gegnum hnappinn sem birtist með skráningarstaðfestingunni.
15/01/2019 | Fræðsla, Fréttir, Viðburðir
Hvernig færðu fólk til að skrá sig á póstlistann þinn?
Kennari: Þóranna K. Jónsdóttir, markaðs- og kynningarstjóri SVÞ og SAF
Hvar: Hyl, Húsi atvinnulífsins, Borgartúni 35, 105 Reykjavík
Hvenær: Þriðjudaginn 22. janúar kl. 8:30-10:00
Í framhaldi af námskeiði með Þórönnu sem haldið var síðastliðið haust um áhrifaríka markaðssetningu með tölvupósti, verður nú boðið upp á námskeið í því hvernig byggja má upp tölvupóstlista fyrirtækisins til notkunar í markaðssetningu. Ekki er nauðsynlegt að hafa sótt fyrra námskeiðið.
Farið verður yfir hinar ýmsu leiðir til að fá fólk til að skrá sig á listann, svo sem:
- Staðsetningar skráningarforma á vefnum
- Notkun samfélagsmiðla við að byggja upp póstlistann
- Notkun efnis til að fá fólk á listann (efnismarkaðssetning)
Frítt fyrir félagsmenn en aðrir greiða kr. 2.500,-
Athugið að boða þarf forföll í síðasta lagi á hádegi daginn fyrir námskeið með tölvupósti á svth@svth.is, annars fæst ekki endurgreitt.
Skráningu lýkur kl. 12:00 á hádegi mánudaginn 21. janúar.
Vinsamlegast smelltu á hnappinn til að fara á skráningarformið. Athugið að ef þú ert ekki félagsmaður, þá biðjum við þig að ganga frá greiðslu í gegnum hnappinn sem birtist með skráningarstaðfestingunni.
03/01/2019 | Fræðsla, Fréttir, Viðburðir
11/12/2018 | Fréttir, Viðburðir
Aðalfundur SVÞ verður haldinn fimmtudaginn 14. mars nk.
Að venju verður haldin vegleg ráðstefna í tengslum við aðalfundinn síðar um daginn. Ráðstefnan fer fram á Hilton Reykjavik Nordica. Aðalfyrirlesari verður Greg Williams, aðalritstjóri WIRED Magazine.
Taktu daginn frá!
Um Greg Williams:
- Sérfræðingur í umbreytingaþróun og fyrstur til að vita hvað kemur næst
- Getur sett fram upplýsingar um flóknar breytingar á skemmtilegan og skiljanlegan hátt sem nær til áheyrenda
- Ögrar áheyrendum og fær þau til að endurhugsa viðskiptamódel til að nýta sem best tæknina sem er að hrista upp í heiminum
Greg Williams er virtur sérfræðingur þegar kemur að tæknibreytingum og hvernig þær hafa áhrif á viðskiptalífið og samfélög okkar í heild. Í starfi sínu sem aðalritstjóri tímaritsins WIRED hittir Greg frumkvöðla, hugsuði, vísindafólk, athafnafólk og skapandi fólk sem er að breyta heiminum og skrifar um fjölmörg málefni á borð við nýsköpun, tækni, viðskipti, sköpun og hugmyndir.
Auk þess að stýra WIRED hefur Greg skrifað fyrir miðla á borð við The Guardian, Obeserver, Arena, The Face, Details og Newsweek. Hann er einnig höfundur fimm skáldsagna undir nafninu Gregory Lee. Ritgerð hans um taugahagfræði (e. neuroeconomics) birtist nýlega í bókinni ‘Connecting Minds, Creating the Future’ ásamt aðilum á borð við Hans Rosling og Bill Gates.
Sem ráðgjafi hefur Greg unnið með fyrirtækjum í orkugeiranum, samskiptum, fjármálum, tísku, tækni og smásölu. Meðal verkefna hans hjá WIRED er að ritstýra árlegri útgáfu blaðsins um það sem búast má við á komandi ári, The WIRED World.
Greg hefur talað víða um heim, m.a. hjá Strelka Institue í Moskvu, Instite of Practicitioners in Advertising í London og hjá Oxford háskóla. Hann hefur stýrt pallborðsumræðum með stjórnendum FTSE 100 og Fortune 500 fyrirtækja m.a. á Advertising Week Europe og fyrir LinkedIn á Cannes Lions.
Greg hefur einstaka hæfileika til að flétta saman sagnahæfileika sína og djúpa þekkingu á framtíð tækni og viðskipta. Saman gerir þetta honum kleift að setja flóknar hugmyndir fram á skemmtilegan og aðgengilegan hátt og undirbúa áheyrendur undir það sem koma skal.
Frekari upplýsingar og skráning síðar. Fylgstu vel með!
