27/03/2019 | Fréttir, Viðburðir
Hvar: Hyl, Húsi atvinnulífsins, Borgartúni 35, 105 Reykjavík
Hvenær: Þriðjudaginn 9. apríl kl. 8:30-10:00
Stafræn umbreyting, „digitalization“, fjórða iðnbyltingin… eins og Greg Williams, aðalritstjóri WIRED sagði á opinni ráðstefnu SVÞ nýlega, „það er alveg sama í hvaða bransa þú ert – í dag eru öll fyrirtæki tæknifyrirtæki“. Stafrænar breytingar eru að hafa áhrif alls staðar og fyrirtæki einfaldlega verða að taka þátt, ellegar heltast úr lestinni. En það er ekki nóg bara að kaupa tólin, tækin og forritin. Til að tækin og tólin nýtist fyrirtækinu til framdráttar þarf árangursríka innleiðingu og gagngera naflaskoðun og umbreytingu á menningu fyrirtækisins.
Helga Jóhanna Oddsdóttir og Tómas Ingason munu í erindum sínum fjalla um þær áskoranir sem stjórnendur standa frammi fyrir við þróun og innleiðingu stafrænna lausna og áhrifa þeirra á menningu fyrirtækja.
Helga Jóhanna Oddsdóttir er framkvæmdastjóri og meðeigandi Strategic Leadership á Íslandi. Strategic Leadership sérhæfir sig í þróun meðvitaðra og stefnumiðaðra leiðtoga um allan heim og hefur starfað lengi með stórfyrirtækjum á borð við BMW, Roche, Arion banka, VÍS ofl. Helga hefur á undanförnum árum komið að fjölmörgum verkefnum er lúta að þróun menningar innan fyrirtækja sem eru á stafrænni vegferð og mun deila reynslu sinni og innsýn í þær áskoranir sem stjórnendur standa frammi fyrir. Helga er með M.Sc. í stjórnun og stefnumótun frá H.Í. og B.Sc. í viðskiptafræði frá sama skóla. Þá lauk hún markþjálfunarnámi frá Háskólanum í Reykjavík vorið 2012.
Tómas Ingason er framkvæmdastjóri Stafrænnar þróunar og upplýsingatækni hjá Icelandair. Hann var framkvæmdastjóri viðskiptasviðs WOW air á árinu 2018 og forstöðumaður stafrænnar framtíðar hjá Arion banka á árunum 2016 til 2018. Hann starfaði einnig hjá WOW air á árinu 2014 sem framkvæmdastjóri viðskiptaþróunarsviðs. Fyrir þann tíma starfaði hann sem stjórnunarráðgjafi hjá Bain & Company í Kaupmannahöfn og hjá Icelandair þar sem hann var forstöðumaður tekjustýringar og verðlagningar um árabil. Tómas er með MBA gráðu frá MIT Sloan School of Management í Boston, MSc. gráðu í verkfræði frá MIT með áherslu á flugrekstur og aðfangakeðjur og BS-gráðu í iðnaðarverkfræði frá Háskóla Íslands.
26/03/2019 | Fréttir, Viðburðir
Samtök verslunar og þjónustu og Nasdaq Iceland (Kauphöllin) efna til síðdegisfundar um verðbréfamarkaðinn, miðvikudaginn 27. mars kl. 16:00 – 17:30 hjá Kauphöllinni, Laugavegi 182.
Páll Harðarson, forstjóri Nasdaq Iceland fer yfir stöðuna á markaði og Helgi S. Gunnarsson, forstjóri Regins fasteignafélags, fer yfir sjö ára reynslu sína af því að stjórna skráðu félagi, hvernig markaðurinn hefur nýst Reginn í að vaxa og dafna og framtíðarsýn þeirra.
Fundurinn er opinn öllum félagsmönnum SVÞ og eru þeir hvattir til að mæta og kynnast starfsemi Nasdaq á Íslandi.
Vinsamlegast skráið ykkur með því að senda tölvupóst á saradogg(hjá)svth.is
26/03/2019 | Fréttir, Viðburðir, Þjónusta
Hvar: Hyl, Húsi atvinnulífsins, Borgartúni 35, 105 Reykjavík
Hvenær: Þriðjudaginn 2. apríl kl. 8:30-10:00
Þjónusta sem áður hefur verið veitt á staðnum er sífellt meira að færast yfir á stafrænan vettvang. Þó að ekki sé hægt að klippa viðskiptavini eða nudda þá í gegnum netið eru fjölmargar aðrar þjónustur vel til þess fallnar að nýta sér stafrænar lausnir og þar með stækka markaðssvæðið, spara kostnað o.fl. SVÞ fær til sín góða gesti til að ræða stafræna umbreytingu á þjónustu og meðal annars heyrum við frá þremur nýsköpunarfyrirtækjum sem eru að brjóta blað í því hvernig þjónusta er nú veitt í gegnum netið.
Arndís Thorarensen frá Parallel: Leiðin að árangursríkri stafrænni þjónustu
Stafræn þjónusta og krafa um hraðar breytingar krefst nýrrar hugsunar á þjónustuupplifun og framkvæmd verkefna. Fjallað verður um mikilvægi þess að tileinka sér nýsköpun í þjónustuframboði og hvernig hægt er að breyta skipulagi til að framleiða stafræna ferla sem mæta væntingum neytenda.
Sögur frá fyrirtækjum sem gert hafa spennandi hluti í stafrænni þjónustu:
Mín líðan: Sálfræðimeðferð á netinu
Mín líðan veitir sálfræðimeðferð við þunglyndi og félgaskvíða og er öll þjónustan veitt í gegnum netið. Sveinn Óskar Hafliðason hagfræðingur segir frá fyrirtækinu, en Sveinn Óskar hefur unnið með fyrirtækinu m.a. að sölu- og markaðsmálum.
Kara connect: Hugbúnaður fyrir sérfræðinga í heilbrigðis-, velferðar- og menntakerfinu
Kara connect gerir meðferðaraðilum í heilbrigðs-, velferðar- og menntakerfinu kleift að vinna með fólki í gegnum netið. Þorbjörg Helga Vigfúsdóttir, stofnandi og framkvæmdastjóri Kara connects segir okkur frá.
AwareGO: Tölvuöryggisþjálfun (e. cyber security awareness training)
AwareGO færir tölvuöryggisþjálfun úr löngum (leiðinlegum) fyrirlestrum yfir í stutt myndbönd sem deilt er markvisst í gegnum netið. Ragnar Sigurðsson, stofnandi og framkvæmdastjóri segir okkur frá.
SKRÁNING HÉR:
19/03/2019 | Fréttir, Viðburðir
Metþátttaka var á opinni ráðstefnu SVÞ þann 14. mars undir yfirskriftinni Keyrum framtíðina í gang! Um 450 manns fylltu salinn á Hilton Nordica.
Aðalræðumaður var Greg Williams, aðalritstjóri tímaritsins WIRED og ræddi hann þá öru tækniþróun sem atvinnulífið og samfélagið allt stendur frammi fyrir nú á tímum fjórðu iðnbyltingarinnar og áhrif hennar. Félagsmenn í SVÞ geta fengið aðgang að lokuðum Facebook hóp hér, þar sem sjá má upptöku af fyrirlestrinum.
Einnig tók til máls Margrét Sanders, fráfarandi formaður SVÞ. Í ræðu sinni notaði hún orð Jóns Baldvinssonar, formanns ASÍ frá árinu 1938, til að gagnrýna aðgerðir verkalýðshreyfingarinnar í yfirstandandi kjaradeilu. Hún ræddi einnig breytingar á vinnutíma, breytingar sem fylgja fjórðu iðnbyltingunni, menntun innan verslunar- og þjónustugeirans, afnám vörugjalda og úthýsingu verkefna frá hinu opinbera til einkageirans. Frekari umfjöllun um ræðu Margrétar og upptöku af henni má sjá hér.
Þorbjörg Helga Vigfúsdóttir, stofnandi og framkvæmdastjóri Köru connect ehf. hélt erindi og gagnrýndi m.a. harðlega stefnuleysi stjórnvalda í þeirri stafrænu umbreytingu sem í gangi er í atvinnulífinu og samfélaginu öllu. Ræðu Þorbjargar má sjá á Facebook síðu SVÞ hér.
Einnig má sjá upptöku af pallborðsumræðum í lok ráðstefnunnar á Facebook hér.
Fundarstjóri var Guðmundur Hafsteinsson, frumkvöðull og formaður stýrihóps um nýsköpunarstefnu Íslands.
Hér fyrir neðan má sjá myndir frá ráðstefnunni:
13/03/2019 | Fréttir, Viðburðir
Það er óumdeilanlegt að menning fyrirtækja og hamingja á vinnustað fela í sér mikinn ávinning – en samt reynist það áskorun fyrir mörg fyrirtæki að þróa menningu sína og skapa hamingju á vinnustað til leysa úr læðingi þann ávinning sem henni fylgir.
Hvers vegna að setja fókus á menningu fyrirtækja og hamingju á vinnustað?
Hvað er hamingja á vinnustað?
Hvernig er hægt að vinna að því að skapa sveigjanleika, nýsköpun og hamingju á vinnustað?
Manino, Festa, VIRK og SVÞ – Samtök verslunar og þjónustu sameina krafta sína í að fjalla um málefnið og við fáum reynslusögu úr atvinnulífinu um þróun hamingju á vinnustað.
Dagskrá:
Hrund Gunnsteinsdóttir, framkvæmdstjóri Festu: Á morgun verður í dag í gær – hamingja á tímum fjórðu inðbyltingarinnar
Vigdís Jónsdóttir, framkvæmdastjóri VIRK: Getum við öll verið VelVIRK?
Maríanna Magnúsdóttir, Manino: Bylting í stjórnun! – Hamingja@vinnustað
Pétur Hafsteinsson, fjármálastjóri Festi: Reynslusaga um þróun hamingja@vinnustað
Skráning hér:
01/03/2019 | Fréttir, Umhverfismál, Viðburðir
SVÞ stóð að morgunverðarráðstefnu þann 19. febrúar um ávinninginn af sjálfbærni og loftslagsmálum fyrir fyrirtæki í verslun og þjónustu.
Dr. Hafþór Ægir frá CIRCULAR Solutions flutti aðalerindi ráðstefnunnar þar sem fjallað var um helstu tækifæri og áskoranir fyrirtækja nú þegar aukin áhersla er á sjálfbærni frá öllum hagaðilum og víðsvegar í virðiskeðjum þeirra. Hann fór yfir sjálfbærnimengið út frá áhrifum á hina þrískiptu rekstrarafkomu (fólk, jörðina, og hagnað) og einnig út frá langtímaáhættustýringarsjónarmiðum.
Gréta María framkvæmdastjóri Krónunnar fjallaði um vegferð Krónunnar í umhverfismálum og hvaða áhrif það hefur haft. Gréta fjallaði jafnframt um hvaða tilgang fyrirtæki eins og Krónan gegna í þessum efnum. Í því samhengi var fjallað umhverfisvænni umbúðir og umhverfisvænni plast fyrir verslanir. Þá nefndi Gréta meðal annars að mikilvægt væri að meira samtal ætti sér stað milli framleiðenda og söluaðila til stuðla að aukinni sjálfbærni í ferlinu.
Ina Vikøren, yfirmaður sjálfbærnimála hjá H&M í Noregi og Íslandi fjallaði um sjálfbærnistefnu og markmið H&M. Þar á meðal hefur H&M einsett sér að fyrir árið 2030 muni öll textílefni vera úr endurunnum efnum eða efnum sem vottuð eru sem sjálfbær. Árið 2040 stefnir H&M svo á að vera 100% loftslagsjákvætt (e. climate positive) þ.e. að öll virðiskeðja H&M hafi jákvæð áhrif loftslagið.
Myndir frá viðburðinum má sjá hér á Facebook.
Glærurnar af fyrirlestrunum má sjá hér fyrir neðan:
Glærur Hafþórs
Glærur Grétu Maríu
Glærur Inu Vikøren
