Ráðstefna SSSK – 3. mars
Samskipti og starfsgleði: Hlakkar þú til að mæta í vinnuna?
Þriðjudaginn 24. janúar sl. bauð SSSK upp á námskeið fyrir skólastjórnendur um ánægju og vellíðan á vinnustað. Á námskeiðinu var farið yfir grundvallaratriði varðandi starfsánægju og samskipti, samskiptafærni, fjallað um viðhorf til verkefna, og vinnustaðar. Sérstaklega var unnið með hrós og endurgjöf og fleiri leiðir til að hlúa að góðu andrúmslofti / vinnustaðamenningu.
Sigríður Hulda Jónsdóttir, náms- og starfsráðgjafi og framkvæmdastjóri SHJ ráðgjafar sá um námskeiðið og var með framsögu.
Námskeiðið var mjög vel sótt og almenn ánægja með námsefnið og fyrirlesarann.
Frá námskeiði um skattamál
Miðvikudaginn 25. janúar sl. bauð SVÞ félagsmönnum á námskeið um skattamál í samvinnu við KPMG ehf. Þau Steingrímur Sigfússon og Guðrún Björg Bragadóttir frá Skatta- og lögfræðisviði KPMG ehf. tóku m.a. fyrir eftirtalin atriði á námskeiðinu: Tekjuskráning, frádráttarbær kostnaður, ófrádráttarbæra kostnaður, launakostnaður og hlunnindi, verktakar vs. launamenn, reglur um dagpeninga, helstu reglur um virðisaukaskatt og hvað ber að varast og afdráttarskatta vegna keyptrar erlendrar þjónustu.
Námskeiðið var vel sótt og mikið um spurningar.
Hér má nálgast glærur frá námskeiðinu.
Menntadagur atvinnulífsins 2017
NÝJASTA MÁLTÆKNI & VÍSINDI
Menntadagur atvinnulífsins 2017 verður haldinn fimmtudaginn 2. febrúar á Hilton Reykjavík Nordica. Dagskrá og skráning hér að neðan.
DAGSKRÁ KL. 8.30-10.15
Íslensk máltækni og atvinnulífið
Björgólfur Jóhannsson, formaður Samtaka atvinnulífsins.
Ávarp menntamálaráðherra
Kristján Þór Júlíusson.
Íslenska í stafrænum heimi
Eiríkur Rögnvaldsson, prófessor við Háskóla Íslands.
Áhrif máltækni á rekstur og þjónustu fyrirtækja
Birna Ósk Einarsdóttir, framkvæmdastjóri sölu og þjónustu hjá Símanum.
Á íslensku má alltaf finna svar
Þórarinn Eldjárn, rithöfundur og skáld.
Að tala íslensku við tölvur
Jón Guðnason, lektor við Háskólann í Reykjavík.
Málið og atvinnulífið
Guðfinna S. Bjarnadóttir
Menntaverðlaun atvinnulífsins 2017
Forseti Íslands, Guðni Th. Jóhannesson, afhendir Menntaverðlaun atvinnulífsins.
Menntafyrirtæki ársins 2017 verður valið ásamt Menntasprota ársins.
Að lokinni sameiginlegri dagskrá verður boðið upp á kaffi og með því. Fræðslusjóðir og fræðsluaðilar kynna sig á Menntatorgi.
Eftir kaffihlé verður boðið upp á þrjár áhugaverðar málstofur.
MÁLSTOFUR KL. 10.45-12.15
HÆFNI, FRÆÐSLA OG ARÐSEMI Í FERÐAÞJÓNUSTU
Helga Árnadóttir, framkvæmdastjóri Samtaka ferðaþjónustunnar.
David Allen, framkvæmdastjóri Fólks í fyrirrúmi (e. People 1st), Skotlandi.
María Guðmundsdóttir, fræðslustjóri Samtaka ferðaþjónustunnar.
Pallborðsumræður þar sem þátt taka Óskar Jósefsson, framkvæmdastjóri Stjórnstöðvar ferðamála, Ásberg Jónsson, stjórnarformaður og stofnandi Nordic Visitor, Erla Ósk Ásgeirsdóttir, forstöðumaður starfsmanna -og gæðasviðs Icelandair hótela og Sigríður Margrét Guðmundsdóttir, framkvæmdastjóri Landsnámssetursins í Borgarnesi.
Fundarstjóri er Óskar Finnsson, framkvæmdastjóri rekstrarsviðs Íslandshótela.
Þetta er í fjórða skipti sem menntadagur atvinnulfsins er haldinn en hann er samstarfsverkefni Samorku, Samtaka ferðaþjónustunnar, Samtaka fjármálafyrirtækja, Samtaka fyrirtækja í sjávarútvegi, Samtaka iðnaðarins, Samtaka verslunar og þjónustu og Samtaka atvinnulífsins.
Allir eru velkomnir en nauðsynlegt er að skrá þátttöku hér að neðan.
FAGHÁSKÓLINN
Jakobína Hólmfríður Árnadóttir, ráðgjafi hjá Capacent.
Runólfur Ágústsson, ráðgjafi mennta og menningarmálaráðuneytis.
Sólveig Lilja Snæbjörnsdóttir, fagstjóri starfsmenntamála VR.
Pallborðsumræður. Auk frummælenda taka þátt Jón B. Stefánsson skólameistari Tækniskólans, Halldór Benjamín Þorbergsson framkvæmdastjóri SA og Halldór Grönvold aðstoðarframkvæmdastjóri ASÍ.
Fundarstjóri er Pétur Reimarsson forstöðumaður hjá SA
TÆKNIÞRÓUN OG BREYTTAR ÁHERSLUR Í MENNTAMÁLUM
Þorbjörg Helga Vigfúsdóttir, námssálfræðingur hjá Tröppu.
Ingvi Hrannar Ómarsson, Grunnskólum Skagafjarðar.
Ingvi Ásgeirsson og Trausti Björn Ríkharðsson hjá BL.
Katrín Júlíusdóttir, framkvæmdastjóri Samtaka fjármálafyrirtækja.
Sólrún Kristjánsdóttir, starfsmannastjóri Orkuveitu Reykjavíkur.
Pallborðsumræður. Auk frummælenda taka þátt Heiðrún Lind Marteinsdóttir, framkvæmdastjóri Samtaka fyrirtækja í sjávarútvegi og Haukur Harðarson, sérfræðingur hjá Fræðslumiðstöð atvinnulífsins.
Fundarstjóri er Guðrún Hafsteinsdóttir, formaður Samtaka iðnaðarins.
Anna Felländer verður aðalræðumaður á ársfundi SVÞ 2017
Anna Felländer sem er einn helsti sérfræðingur Svíþjóðar um áhrif stafrænnar tækni verður aðalræðumaður ársfundar SVÞ 23. mars 2017. Anna hefur mikið rannsakað áhrif stafrænu byltingarinnar, m.a. hvaða áhrif hún mun hafa á verslun og þjónustu. Hún er ráðgjafi sænsku ríkisstjórnarinnar á sviði stafrænnar tækni og hefur veitt fjölda stofnana og nýsköpunarfyrirtækja ráðgjöf á þessu sviði.
Anna er leiðandi sérfræðingur á þessu sviði í Svíþjóð og þótt víðar væri leitar. Anna hefur gegnt ýmsum ábyrgðarstörfum, hún var m.a. aðalhagfræðingur Swedbank, þjóðhagfræðingur hjá sænska fjármálaráðuneytinu og yfirmaður fjármálagreiningar hjá áhættustýringardeild skrifstofu forsætisráðherra.
„Það er mikill fengur að því að fá Önnu Felländer til að flytja erindi á aðalfundi SVÞ. Stafræna byltingin hefur víðtæk áhrif á verslun og þjónustu. Breytt neysluhegðun aldamótakynslóðarinnar felur í sér ögrandi verkefni fyrir alla sem starfa við verslun og þjónustu og verður fróðlegt að heyra einn helsta sérfræðing nútímans á því sviði miðla af reynslu sinni og þekkingu.“ Segir Andrés Magnússon framkvæmdastjóri SVÞ um áhrif stafrænnar tækni á verslun og þjónustu.
Viðtal við Önnu Felländer þegar hún var aðalhagfræðingur Swedbank.
Frá félagsfundi um öryggismál
Þriðjudaginn 17. janúar sl. var haldinn félagsfundur á vegum SVÞ um öryggismál þar sem til umfjöllunar voru ýmis álitamál hvað varðar þjófnað úr verslunum. Á fundinum héldu Sigríður Björk Guðjónsdóttir, lögreglustjóri og Rannveig Þórisdóttir, deildarstjóri upplýsinga- og áætlunardeildar Lögreglunnar á höfuðborgarsvæðinu erindi.
Í erindi sínu fór Sigríður Björk Guðjónsdóttir m.a. yfir þær breytingar sem gerðar hafa verið á innra skipulagi embættisins og helstu áherslur þess í samræmi við t.a.m. löggæsluáætlun. Fram kom í máli hennar að embættið leggur ríka áherslu að sinna skyldum sínum sem þjónustustofnun og fagnaði því öllum tillögum og ábendingum frá fyrirtækjum um hvað megi betur fara í starfsemi þess. Loks taldi Sigríður mikilvægt að láta framkvæma þjónustukönnun hjá fyrirtækjum hvað varðar starfsemi embættisins.
Í erindi sínu fór Rannveig Þórisdóttir yfir ýmsa tölfræði hvað varðar þjófnað úr verslunum og önnur sambærileg brot. Meðal þess sem fram kom í máli hennar þá hefur um 60% tilkynntra mála til embættisins verið lokið með ákærumeðferð eða sátt/sekt. Þá lagði hún sérstaka áherslu á að fjalla um tiltekna tegund fjársvika (e. social engineering) þar sem aðilar eru blekktir til að greiða fyrir vörur eða þjónustu sem ekki er afhent. Þessi tegund brota hefur farið vaxandi undanfarin ár og mikilvægt er að vekja athygli fyrirtækja sem og almenning á þessari hættu.
Í lokin sátu fulltrúar embættisins fyrir svörum og fóru fram jákvæðar umræður um þessi álitamál, hvað embættið hefur gert til að stemma stigu við þjófnaði og hvað mætti betur fara. Af þeim umræðum mátti ráða að margt hafi breyst til batnaðar og þá var ákveðið í lok fundarins að koma á samvinnu fyrirtækja innan SVÞ og embættisins enda ljóst að þekking innan fyrirtækjanna getur nýst við störf embættisins.
Meðfylgjandi er til upplýsingar kynning Rannveigar Þórisdóttur á fundinum.