Samtök verslunar og þjónustu og verkfræðistofan Mannvit efna til fræðslufundar miðvikudaginn 31. janúar nk. í Háteigi, Grand Hóteli. Á fundinum verður fjallað um áhrif myglu í húsum á líðan, heilsu og réttarstöðu fólks.
Oops! We could not locate your form.
Ný löggjöf um greiðsluþjónustu mun taka gildi hér á landi innan skamms. Þessi nýja löggjöf, ásamt mjög miklum tækniframförum, mun gjörbreyta starfsemi fjármálafyrirtækja og einkum hafa áhrif á framþróun greiðsluþjónustu og skapa ný og áður óþekkt tækifæri fyrir verslunar- og þjónustufyrirtæki.
Þessar miklu breytingar sem eru rétt handan við hornið verða ræddar á fræðslufundi SVÞ sem haldinn verður þriðjudaginn 23. janúar kl. 8.30, Kviku Húsi atvinnulífsins.
Framsögumenn verða:
Georg Lúðvíksson, forstjóri Meniga
Framtíð bankaþjónustu og PSD2
Friðrik Þór Snorrason, forstjóri Reiknistofu bankanna
Áhrif breytinga á fjármálamarkaði á verslun og þjónustu
Fundarstjóri: Margrét Sanders, formaður SVÞ
Oops! We could not locate your form.
Opinn kynningarfundur á Diplómanámi í viðskiptafræði og verslunarstjórnun – á morgun, 17. janúar kl 14.
Staðsetning: Salur VR á 0 hæð í Húsi verslunarinnar, Kringlunni 7
DIPLÓMANÁM Í VIÐSKIPTAFRÆÐI OG VERSLUNARSTJÓRNUN
Sífellt eru gerðar auknar kröfur til stjórnenda í atvinnulífinu hvað menntun varðar og eru stjórnendur flestir með háskólanám að baki. Nýtt fagháskólanám í verslunarstjórnun er ætlað að gefa verslunarstjórum færi á að styrkja sig í starfi með því að bæta aukinni menntun við reynslu sína og hæfni auk þess að gefa einstaklingum með víðtæka reynslu af verslunarstörfum tækifæri til að mennta sig í verslunarstjórnun.
Námið er samstarfsverkefni Háskólans á Bifröst, Háskólans í Reykjavík, VR og SVÞ en þróun þess var styrkt af Starfsmenntasjóði verslunar- og skrifstofufólks, Starfsmenntastjóði verslunarinnar og Mennta- og menningarmálaráðuneytinu.
Námið er metið til eininga til áframhaldandi náms í viðskiptafræði til BS gráðu, bæði við Háskólann á Bifröst og Háskólann í Reykjavík. Nemendur sem útskrifast með diplómagráðu í viðskiptafræði og verslunarstjórnun munu því geta haldið áfram námi til BS gráðu í viðskiptafræði kjósi þeir það. Háskólarnir meta gagnkvæmt háskólaeiningar (ECTS) innan verkefnisins, óháð því hvor skólinn kennir einstök námskeið og mat á náminu inn í BS gráðu í viðskiptafræðum.
5 lykilskref í mótun árangursríkrar Omni channel sölu og markaðsstefnu
Það er engin ein pakkalausn til þegar kemur að innleiðingu á Omni channel sölu og markaðssetningu. Fyrirtæki eru að innleiða Omni channel á mismunandi vegu; útfrá getu fyrirtækisins, áskorunum sem það stendur frammi fyrir og væntingum viðskiptavina. Omni channel innleiðing í sölu og markaðssetningu er því stefnumótandi verkefni sem þarf að nálgast með því að greina núverandi stöðu, móta stefnu og setja niður nákvæma aðgerðaáætlun áður en farið er í að finna tæknilegar lausnir og útfærslur.
Á námskeiðinu verður farið yfir 5 lykilskref hvernig þitt fyrirtæki getur mótað árangusríka Omni channel sölu og markaðsstefnu.
Námskeiðið er sjálfstætt framhald af fyrri námskeiðum um Omni channel sölu og markaðssetningu hjá SVÞ.
Stjórn námskeiðs: Edda Blumenstein, sem er ráðgjafi í Omni channel og vinnur að doktorsrannsókn á Omni Channel við Leeds University Business School.
Staður og stund: Kvika, Borgartúni 35, kl. 8:30 – 10:00, fimmtudaginn 25. janúar 2018.
Létt morgunhressing í boði frá kl. 8.15
Oops! We could not locate your form.
Samantekt SVÞ um vísitölu neysluverðs
Líkt og SVÞ hafa áður bent á þá hefur verðbólga síðustu missera verið drifin áfram af örfáum þáttum eins og húsnæði og opinberri þjónustu. Verð á helstu neysluvörum hefur hins vegar lækkað síðustu 12 mánuði. Þegar skoðaðar eru breytingar í vægi í vísitölu neysluverðs (VNV) síðustu 20 ár sést að stærstu breytingarnar snúa, auk húsnæðis, að hlutfalli matar og drykkjar í útgjöldum heimilanna. Útgjöld heimilanna vegna húsnæðis vega sífellt þyngra í vísitölunni, fóru úr 17,3% 1997 í tæp 32,5% 2017. Þetta sést þegar VNV er borin saman milli marsmánaða árin 1997 og 2017. Í marsmánuði árið 1997 vó matur og drykkur 17,05% í vísitölunni en var komin niður í 13,49% í marsmánuði 2017. Athyglisvert er að föt og skór hafa aldrei vegið jafn lítið frá því að núverandi aðferðafræði var tekin upp fyrir 25 árum síðan. Í marsmánuði árið 1997 vógu föt og skór 6,5% í vísitölunni en voru komin niður í 3,76% í marsmánuði árið 2017.
Samantekt frá SVÞ um vísitölu neysluverðs
Verð á öllum helstu neysluvörum hefur lækkað síðustu 12 mánuði. Þegar rýnt er í verðþróun á húsgögnum og heimilistækjum síðustu 12 mánuði kemur í ljós að verð á húsgögnum og heimilisbúnaði lækkaði um 12,5%, lítil heimilistæki um 8,4%, stór heimilistæki um 7,5%, raftæki um 7,1% og sjónvörp, myndbönd, tölvur o.fl. um 8,2%. Þá hefur verð á matvöru lækkað um 1,1% og verð á drykkjavörum hefur lækkað um 4,1% á sama tímabili. Þegar nánar er skoðað hvað það er sem valdið hefur verðbólgunni að undanförnu þá má ljóst vera að þar munar um þætti eins og húsnæði og opinbera þjónustu. Ríkið og sveitarfélögin hafa aukið álögur á heimilin, t.a.m. hefur sorphreinsun hækkað um 15,9%, holræsisgjöld um 1,9% og rafmagn og hiti um 1,5% síðustu 12 mánuði. Erfitt er að festa hendi á nákvæmlega hvað veldur slíkum hækkunum en það mætti m.a. nefna að hagsmunir ríkisfyrirtækja eru dreifðir þ.a. hver og einn eigandi hefur mjög takmarkaðan hag af því að veita fyrirtækinu aðhald. Þá hafa laun hjá opinberum starfsmönnun hækkað meira en á almenna vinnumarkaðnum.