13/04/2026 | Fréttir, Stjórnvöld, Umsagnir
Efnahagsleg staða Íslands mótast af landafræði – og það þarf að sjást í stefnumótun ESB.
Það er kjarninn í nýrri umsögn Samtaka atvinnulífsins (SA), SVÞ – Samtaka verslunar og þjónustu, Samtaka ferðaþjónustu og Samtaka fyrirtækja í sjávarútvegi, þar sem fjallað er um svokallaða eyjastefnu Evrópusambandsins.
Hærri kostnaður og takmarkanir sem ekki er hægt að horfa framhjá.
Í umsögn SA er bent á að:
-
Ísland sé háð flugi og sjóflutningum
-
aðrir samgöngukostir séu ekki til staðar
-
Þetta leiði til hærri kostnaðar og minni stærðarhagkvæmni
Þetta eru varanlegir þættir – ekki tímabundnar áskoranir.
Mikilvægt hlutverk Íslands á innri markaði
Þrátt fyrir þessar aðstæður gegnir Ísland lykilhlutverki.
Í umsögn SA er því lögð áhersla á að stefna ESB þurfi að taka mið af framlagi allra ríkja á innri markaðnum, þar á meðal EES/EFTA-ríkja.
👉 Lesa nánar um umsögn SA hér:
10/04/2026 | Stjórnvöld, Umsagnir, Úr hagsmunagæslunni, Útgáfa
SVÞ – Samtök verslunar og þjónustu skiluðu umsögn, dags. 10. apríl 2026, um frumvarp til laga um innviðafélag þar sem samtökin lýsa stuðningi við markmið um uppbyggingu samgönguinnviða en leggja áherslu á að taka þurfi mið af efnahagslegum áhrifum við forgangsröðun verkefna.
Samtökin fjalla jafnframt um veggjöld og leggja áherslu á að gjaldtaka sé í samræmi við ávinning, dreifist með sanngjörnum hætti og að hún sé metin í samhengi við þær skatttekjur sem þegar eru innheimtar af ökutækjum og eldsneyti.
SMELLTU HÉR til að hlaða niður umsögninni.
07/04/2026 | Samtök lyfjaheildsala, Stjórnvöld, Umsagnir, Úr hagsmunagæslunni, Útgáfa
SVÞ – Samtök verslunar og þjónustu hafa, fyrir hönd Samtaka lyfjaheildsala, skilað umsögn, dags. 7. apríl 2026, um frumvarp til laga um viðbrögð við lyfjaskorti o.fl., þar sem bent er á skort á heildrænni greiningu og óvissu um áhrif breytinga á lyfjamarkað.
Í umsögninni er m.a. fjallað um breytingar á lyfjalögum, birgðaskyldu, viðurlög og reglugerðarheimildir, auk þess sem tekið er fram að taka þurfi mið af alþjóðlegu eðli lyfjamarkaða og væntanlegri endurskoðun innan EES.
SMELLTU HÉR til að lesa umsögnina.
23/03/2026 | Umsagnir, Úr hagsmunagæslunni, Útgáfa
SVÞ sendu 23. mars 2026 umsögn um frumvarp til breytinga á áfengislögum um vefverslun með áfengi. Samtökin styðja frumvarpið og telja tímabært að laga löggjöfina að breyttum verslunarháttum og raunveruleika vefverslunar. Þau leggja áherslu á að heimila innlenda vefverslun með áfengi á grundvelli skýrra reglna, meðal annars til að tryggja jafnræði við erlenda aðila, bæta samkeppnisstöðu og halda utan um viðskipti sem þegar eiga sér stað.
SMELLTU HÉR til að lesa umsögn SVÞ.
17/03/2026 | Umsagnir, Úr hagsmunagæslunni, Útgáfa
SVÞ sendu 17. mars 2026 umsögn um þingsályktunartillögu um endurskoðun tollameðferðar á matvælum, þar sem samtökin telja ekki þörf á frekari tollahækkunum. Þau vara við neikvæðum áhrifum á verð og samkeppni og leggja áherslu á einfaldara virðisaukaskattskerfi og endurskoðun tollverndar til að draga úr verðbólguþrýstingi.
SMELLTU HÉR til að hlaða niður umsögn um þingsályktunartillögu
