26/04/2023 | Fréttir, Greining
Netverslunarvísir RSV hækkar um 9,1% á milli ára
Vísitala erlendrar netverslunar, Netverslunarvísir RSV, hækkar um 8% frá fyrri mánuði. Síðastliðna tólf mánuði hefur vísitalan hækkað um 9,1%. Landsmenn keyptu því meira frá erlendum netverslunum í mars sl. miðað við í mars í fyrra.
Mest var aukningin á milli ára í erlendri netverslun með matvöru (74,7%) og vörur frá lyfja-, heilsu- og snyrtivöruverslunum (70%). Í flokki áfengisverslunar var 11,8% aukning á milli ára og erlend netverslun með fatnað í mars sl. jókst um 5,4% á milli ára.
Landsmenn keyptu vörur frá erlendum netverslunum fyrir tæpa 1,98 milljarða kr. í mars sl. Þar af voru rúmar 850 milljónir kr. vegna fataverslunar. Til samanburðar keyptu landsmenn vörur frá innlendum netverslunum fyrir rúma 3,6 milljarða kr. í mars sl. Þar af voru rúmar 250 milljónir kr. vegna fataverslunar.
Upplýsingum um erlenda netverslun landsmanna í mars sl. hefur verið bætt við Netverslunarvísi RSV á Sarpi.
SMELLIÐ HÉR TIL AÐ NÁLGAST ALLA FRÉTTINA.
19/04/2023 | Fréttir, Greining, Verslun
McKinsey og EuroCommerce birtir í dag skýrsluna ‘Living with and responding to uncertainty: The State of Grocery Retail 2023.’ Skýrslan gefur innsýn inní áskoranir matvælaverslana í Evrópu útfrá viðtölum við stjórnendur frá 50 fyrirtækjum í matvælaverslunum í Evrópu sem og könnun frá yfir 12 þúsund neytenda frá níu evrópu löndum.
Sjá fréttatilkynningu frá McKinsey & EuroCommerce – HÉR!
SMELLIÐ HÉR TIL AÐ HLAÐA NIÐUR SKÝRSLU McKINSEY
12/04/2023 | Fréttir, Greining, Verslun
Frá Rannsóknasetri verslunarinnar.
Heildar greiðslukortavelta hérlendis í mars sl. nam rúmum 108 milljörðum kr. og jókst um 20,8% á milli ára miðað við breytilegt verðlag.
Heildar kortavelta innlendra greiðslukorta hérlendis nam rúmum 86 milljörðum kr. og jókst um tæp 14% á milli ára miðað við breytilegt verðlag.
Innlend kortavelta í verslun nam rúmum 45,6 milljörðum kr. í mars sl. og jókst um rúm 13,7% á milli ára miðað við breytilegt verðlag. Framlag stórmarkaða og dagvöruverslana til ársbreytingarinnar er stærst, tæp 9,7%. Meðfylgjandi mynd sýnir ársbreytingu kortaveltu innlendra korta í verslun innanlands og framlag tegunda verslana til breytingarinnar.
SJÁ NÁNARI UPPLÝSINGAR INNÁ VEF RSV HÉR!
05/04/2023 | Fréttir, Greinar, Í fjölmiðlum, Verslun
Visir birtir í dag grein frá Andrési Magnússyni, framkvæmdastjóra SVÞ – Samtaka verslunar og þjónustu undir fyrirsögninni: ‘Um gróða dagvöruverslana’.
Umræðan um ofurgróða fyrirtækja í dagvöruverslun er ekki ný af nálinni. Sú umræða hefur sprottið upp með reglubundnum hætti svo lengi sem undirritaður hefur fylgst með, sem er orðinn drjúgur tími. Ýmsir hafa þar lagt orð í belg, en fullyrða má að sá aðili sem hefur haft sig mest frammi á þessu sviði er verðlagseftirlit ASÍ. Nýlega var það t.d. fullyrt þar á bæ að dagvöruverslanir hefðu undanfarið, og í ríkara mæli en áður, velt verðhækkunum frá birgjum yfir á neytendur. Ekki var að sjá að þessi staðhæfing væri sérstaklega rökstutt.
Eins og öllum er kunnugt þá hafa verðhækkanir frá birgjum, bæði vegna innfluttrar vöru og innlendrar, verið nær fordæmalausar undanfarna mánuði. Ástæður þess ættu öllum að vera kunnar, en bæði heimsfaraldur og stríðsátök í Evrópu hafa haft veruleg áhrif á framleiðslu- og flutningskostnað um allan heim, með tilheyrandi áhrifum á vöruverð.
Fyrir nokkru birti Samkeppniseftirlitið sk. framlegðargreiningu fyrir nokkra lykilmarkaði á smásölustigi. Einn þessara markaða var dagvöruverslun. Meðal þeirra fullyrðinga sem eftirlitið setur þar fram er að álagning í smásölu á Íslandi sé há í alþjóðlegum samanburði. Þessi fullyrðing er ein af fjölmörgum ágöllum sem hagsmunaaðilar hafa gert athugasemdir við enda á hún ekki við rök að styðjast. Það er beinlínis ekkert í greiningu eftirlitsins sem styður þessa staðhæfingu. Hvorki framlegðar- né hagnaðarhlutfall fyrirtækja á þessum markaði hefur aukist undanfarin ár. Velta fyrirtækja í þessum greinum jókst mikið á meðan heimsfaraldurinn gekk yfir en álagning jókst hins vegar ekki.
Nú hafa þrjú stærstu fyrirtækin á dagvörumarkaði nýlega birt uppgjör sín. Ekkert í þeim uppgjörum styður fullyrðingar ASÍ og Samkeppniseftirlitsins. Þvert á móti hafa fyrirtæki á þessum markaði tekið á sig framlegðarskerðingu og með því móti lagt sitt af mörkum til að vinna bug á verðbólgunni sem er hinn sameiginlegi óvinur atvinnulífs og heimila.
SMELLIÐ HÉR til að nálgast greinina á Visir.is
31/03/2023 | Fréttir, Samtök sjálfstæðra skóla, Viðburðir
Aðalfundur SSSK – Samtaka sjálfstæðra skóla
Dagur: Þriðjudagurinn, 25.apríl 2023
Tími: 16:00 – 18:00
Staður: Hús verslunarinnar, Hylur 1.hæð
_________
Hefðubundin aðalfundastörf skv. 7. grein samþykkta:
- Skýrsla stjórnar
- Stjórn leggur fram endurskoðaða reikninga samtakanna
- Umræður um skýrslu og reikninga
- Félagsgjöld ársins
- Kosning formanns og varaformanns
- Kosning meðstjórnenda og varamanna
- Kosning tveggja skoðunarmanna
- Önnur mál
Eftir hefðbundin aðalfundastörf gera félagsmenn sér glaðan dag.
Nánari dagskrá verður auglýst síðar.
SKRÁNING HÉR!
31/03/2023 | Fræðsla, Fréttir, Viðburðir
EuroCommerce og McKinsey bjóða félagsfólki SVÞ – Samtaka verslunar og þjónustu inn á einstakan vefviðburð til að kynna skýrslu þeirra um stöðu matvælaverslana fyrir árið 2023.
Viðburðurinn fer fram 18. apríl kl. 11:30-12:30 CEST (09:30 á íslenskum tíma)
Sérfræðingar EuroCommerce og McKinsey sem og leiðtogar í geiranum munu taka þátt og ræða tölfræði sem móta matvælaverslanir á árinu og hvað þarf til að takast á við markaðsóvissu til að tryggja rekstur matvælaverslana í framtíðinni.
Farið verður yfir niðurstöður úr nýjustu skýrslu McKinsey um stöðu matvælageirans fyrir 2023.
Allar nánari upplýsingar ásamt skráningarhlekk má finna á vefsíðu McKinsey – SMELLIÐ HÉR!
