Rannsóknasetur verslunarinnar (RSV) Árið í verslun 2022
Rannsóknarsetur verslunarinnar birtir í dag gagnvirka skýrslu um árið 2022 í verslun
Hægt er að nálgast skýrsluna HÉR!
Ísland eftirbátur samanburðalandanna í stafrænni þróun.
Ísland er langt á eftir því sem er að gerast í samanburðarlöndunum hvað varðar stafræna þróun í verslunar- og þjónustugeiranum.
Þetta segir Andrés Magnússon, framkvæmdastjóri Samtaka verslunar og þjónustu, í sjónvarpsþættinum Markaðurinn sem sýndur var á sjónvarpsstöðinni Hringbraut klukkan 19:00 í kvöld.
„Það er skylda okkar að stíga rækileg skref svo við verðum ekki áfram eftirbátur samanburðarlandanna hvað þetta varðar. Í grunninn snýst þetta um að tryggja samkeppnishæfni íslensks atvinnulífs til framtíðar,“ segir Andrés og bætir við að Samtök verslunar og þjónustu hafi lagt mikla áherslu á þennan málaflokk á undanförnum misserum.
Sjá allt viðtalið við Andrés Magnússon, framkvæmdastjóra SVÞ inná HRINGBRAUT
SMELLIÐ HÉR! (hefst á 15:50)
Ráðstefna SVÞ | Virkjum hugann! 360°sjálfbærni
VIRKJUM HUGANN – 360°SJÁLFBÆRNI!
Hin árlega ráðstefna SVÞ verður loksins aftur haldin í raunheimum, 17.mars n.k. á Hilton Hótel Nordica, Suðurlandsbraut.
____________________________________
DAGSKRÁIN 17.MARS 2022
14:00
Ávarp formanns SVÞ
Jón Ólafur Halldórsson
14:10
Ávarp forsætisráðherra
Katrín Jakobsdóttir, forsætisráðherra
14:20
Aðalfyrirlesari ráðstefnunnar:
Aðal fyrirlestur dagsins: Being an Outthinker
Kaihan Krippendorf, metsölurithöfundur og stofnandi OutThinkers
15:10
Fyrirlestur: Samstarf skóla og atvinnulífs – ávinningur allra?
Guðrún Inga Sívertsen, skólastjóri Verslunarskóla Íslands
Ráðstefnustjóri:
Margrét Kristmannsdóttir, framkvæmdastjóri Pfaff
Að lokinni ráðstefnu verður boðið uppá léttar veitingar.
_________________________________
Sjáumst á Hilton Nordica 17.mars n.k. kl: 14:00
ATHUGIÐ RÁÐSTEFNUNNI VERÐUR EKKI STREYMT!
Aðgangur er frír og allir velkomnir. Skráning er nauðsynleg.
Vinsamlegast athugið að skráningu lýkur kl. 12 á hádegi þann 17. mars!
SMELLTU HÉR TIL AÐ SKRÁ ÞIG!
Aðalfundur SVÞ 17.mars n.k. kl. 08:30
BOÐUN AÐALFUNDAR SVÞ – SAMTAKA VERSLUNAR OG ÞJÓNUSTU
Til aðildarfyrirtækja SVÞ – Samtaka verslunar og þjónustu
Aðalfundur SVÞ – Samtaka verslunar og þjónustu 2022 verður haldinn í fundarsalnum Hyl, Borgartúni 35, miðvikudagurinn 17. mars nk. og hefst kl. 8:30
Á fundinum verður m.a. lýst kjöri meðstjórnenda í stjórn samtakanna, þar af þriggja meðstjórnenda fyrir kjörtímabilið 2022–2024 og eins meðstjórnanda fyrir það sem eftir lifir kjörtímabilsins 2022–2023. Einnig verður gerð grein fyrir kjöri fulltrúa SVÞ til fulltrúaráðs Samtaka atvinnulífsins.
Kosning fjögurra meðstjórnenda í stjórn SVÞ fer fram með rafrænum hætti.
Upplýsingar um framboð til stjórnar verða kynnt á næstu dögum. Fyrir 25. febrúar n.k. færð þú sendan tölvupóst með kjörgögnum ásamt leiðbeiningum um hvernig kosningin fer fram.
Dagskrá fundarins er eftirfarandi:
- – Ræða formanns SVÞ
- – Skýrsla stjórnar SVÞ fyrir liðið starfsár
- – Reikningar SVÞ fyrir liðið reikningsár
- – Tillaga stjórnar um staðfestingu aðalfundar á samkomulagi stjórna Bílgreinasambandsins og SVÞ um sameiningu samtakanna
- – Tillaga stjórnar um sameiningu Bílgreinasambandsins og SVÞ
- – Tillaga stjórnar um breytingar á samþykktum SVÞ – Samtaka verslunar og þjónustu frá 26. maí 1999, með síðari breytingum
- – Lýst kosningu meðstjórnenda í stjórn SVÞ
- – Lýst tímabundinni setu meðstjórnanda tilnefndum af stjórn Bílgreinasambandsins í stjórn SVÞ starfsárið 2022/2023
- – Lýst kosningu í fulltrúaráð Samtaka atvinnulífsins
- – Kosning löggilts endurskoðanda SVÞ
- – Umræður og atkvæðagreiðsla um önnur mál
Samtal og sókn | Streymisfundur um loftlagssamgöngur 14. mars n.k.
Samtal og sókn með sérfræðingum og hagaðilum um millilandasamgöngur.
Samtal og sókn er röð viðburða sem tengjast skuldbindingum Íslands í loftslagsmálum og rýni á möguleika til að ná megi markmiði um kolefnishlutlaust Ísland árið 2040.
Þann 14. mars nk. kl. 14 býður Loftslagsráð upp á streymi frá samtali sérfræðinga og hagaðila um millilandasamgöngur. Markmiðið er að varpa ljósi á stöðu Íslands, sóknarfæri og raunhæfar leiðir til að ná markmiðum í að minnka losun gróðurhúsalofttegunda frá millilandasamgöngum (flugi og siglingum) og vörður á vegferð í átt að kolefnishlutleysi. Lagt er upp með eftirfarandi megin spurningar:
- Hver er staðan í dag og hvernig vörðum við leiðina að markmiðum til framtíðar?
- Hvernig er þróun á kerfum sem ætlað er að halda utan um og hvetja til minni losunar?
- Hvar og hvernig geta íslensk stjórnvöld beitt sér? Er verið að gera nóg?
- Hvar og hvernig geta hagaðilar/fyrirtæki beitt sér? Er verið að gera nóg?
- Hvað getum við lært af öðrum þjóðum og alþjóðasamstarfi?
SMELLIÐ HÉR TIL AÐ LESA ALLA FRÉTT INNÁ VEF LOFTLAGSRÁÐS OG FÁ SLÓÐ Á STREYMI
Myndefni frá Loftlagsráði.
Þvingunaraðgerðir vegna hernaðaraðgerða Rússlands í Úkraínu
Ísland hefur tekið undir allar pólitískar yfirlýsingar ESB undanfarna daga varðandi þvingunaraðgerðir gegn Rússlandi vegna innrásarinnar í Úkraínu. Við höfum þannig skuldbundið okkur til þess að láta sömu reglur gilda hér á landi.
Innleiðingarferli á Íslandi
Þvingunaraðgerðir eru innleiddar í íslenskan rétt á grundvelli laga um framkvæmd alþjóðlegra þvingunaraðgerða.
Á vef stjórnarráðsins er að finna lista yfir alþjóðlegar þvingunaraðgerðir í gildi á Íslandi. Reglugerðum er sífellt bætt við eftir því sem þær eru innleiddar. T.d. má fara í landalista og velja plúsinn við Rússland, Úkraínu eða Belarús til að sjá lista yfir reglugerðarbreytingar.
Á vefslóðinni má skrá sig á póstlista og þá berst tölvupóstur hvert sinn sem ný reglugerð um þvingunaraðgerðir er birt á Íslandi.
Ísland innleiðir ESB gerðirnar og tryggir þannig einsleitni með ESB. Þannig eru efnislegar gerðir ESB birtar þýddar í viðaukum (ath. að smella þarf á PDF útgáfu skjalsins til þess að sjá viðaukana). Þegar eingöngu er um að ræða breytingar á listum yfir aðila sem sæta þvingunaraðgerðum, eða breytingar á listum yfir tækni, hluti og annað, er vísað til birtingar í Stjórnartíðindum ESB og gefin upp vefslóð í viðauka við reglugerðina.
EU Sanctions Map sem ESB heldur úti veitir aðgengilegt yfirlit um gildandi aðgerðir, hefur krækjur á gerðir þar sem allar breytingar hafa verið felldar inn og þannig eru þær aðgengilegri (consolidated versions). Á þessari síðu má slá upp nöfnum á einstaklingum og lögaðilum og kanna hvort þeir séu á lista hjá ESB. Ef svo er eru mjög miklar líkur á að sá listi sé í gildi hér á landi, eða muni fljótlega taka gildi. Aðgerðirnar varða Úkraínu, Rússland og Belarús.
Unnið er að innleiðingu á þvingunaraðgerðum sem samþykktar hafa verið undanfarna daga og birtist fyrsta reglugerðin 28. febrúar í Stjórnartíðindum. Þessi reglugerð er breyting á gildandi reglugerð nr. 281/2014 um þvingunaraðgerðir varðandi Úkraínu með síðari breytingum, og innleiðir fyrsta pakka þvingunaraðgerða ESB sem birtur var í Stjórnartíðindum ESB 23. febrúar sl. Sá pakki var settur í kjölfar viðurkenningar á svæðunum tveimur, Luhansk og Donetsk, og fyrirskipana um að herlið skuli fara inn á svæðin. Gerðir ESB sem innleiddar eru með þessari reglugerð eru breytingar á gildandi ESB gerðum gegn Rússlandi vegna Úkraínu síðan 2014, fyrir utan tvær nýjar gerðir sem bættust við vegna svæðanna tveggja.
Fjármálaeftirlit Seðlabanka Íslands hefur birt fréttatilkynningu á vef sínum til þess að árétta skyldu tilkynningarskyldra aðila skv. a-k lið 1. mgr. 2. gr. laga nr. 140/2018 um aðgerðir gegn peningaþvætti og fjármögnun hryðjuverka til að fylgja lögum nr. 64/2019 um frystingu fjármuna o.fl. Sjá frétt Seðlabanka Íslands um auknar þvingunaraðgerðir Evrópusambandsins gegn Rússlandi.
Inntak þvingunaraðgerða ESB sem eru í innleiðingu á Íslandi vegna innrásarinnar
Ísland tekur fullan þátt í þvingunaraðgerðum ESB og eru þær innleiddar með reglugerðum eins fljótt og unnt er.
SJÁ NÁNARI ÚTFÆRSLU Á VEF STJÓRNARRÁÐSINS