24/01/2020 | Fréttir
Skrifstofa fjármálagreininga lögreglu vill vekja athygli á eftirfarandi upplýsingum frá lögreglu:
Um helgina tókst nokkrum aðilum að koma nokkuð af evru seðlum í umferð. Aðferðin sem að þeir beittu var að fara með háa seðla, 100 og 200 evrur og versla lítið eitt með þeim.
Fljótt á litið eru þetta sambærilegir seðlar evrum. En þeir standast enga nánari skoðun ef vitað er hverju á að horfa eftir. Svo virðist sem það sé hægt að kaupa búnt af svona „ekki seðlum“ í Rússlandi.
Þegar seðlarnir eru skoðaðir er nauðsynlegt að horfa til eftirfarandi þátta sem eru útskýrðir nánar í skjalinu sem hlaða má niður hér fyrir neðan.
- Letur seðlanna er á rússnesku og R ið í EURO er öfugt
- Áferð seðlanna er ekki eins og venjulegir seðlar þ e pappírinn er annar
- Alla öryggisþætti vantar í seðlana
Ef vart verður við þessa seðla skal tilkynna það til lögreglu á netfangið jokull@lrh.is
>> SMELLTU HÉR TIL AÐ FÁ SKJAL MEÐ NÁNARI UPPLÝSINGUM FRÁ LÖGREGLUNNI – Þ.Á.M. MYNDUM SEM SÝNA HVAÐ BER AÐ VARAST
23/01/2020 | Fréttir, Í fjölmiðlum, Samtök heilbrigðisfyrirtækja
Við setningu Læknadaga 2020 í Hörpu skrifuðu Reynir Arngrímsson, formaður Læknafélags Íslands, og Jakob Falur Garðarsson, framkvæmdastjóri Frumtaka, undir uppfærðan samning um samskipti lækna og fyrirtækja sem framleiða og flytja inn lyf. Siðareglurnar byggja á nýuppfærðum reglum EFPIA – Evrópusamtaka frumlyfjaframleiðenda og Frumtaka um samskipti við heilbrigðisstarfsfólk, heilbrigðisstofnanir og sjúklingasamtök.
Nokkur reynsla er komin á reglur sem þessar og hafa þær sannað gildi sitt í því að eyða tortryggni og taka af vafa um mörk í samskiptum framleiðenda lyfja og heilbrigðisstarfsfólks. Samkomulagið sem nú hefur verið uppfært og undirritað byggir á grunni fyrra samkomulags frá árinu 2013.
Sjá má umfjöllun um málið á Hringbraut/Fréttablaðinu hér.
23/01/2020 | Fréttir, Viðburðir
Taktu daginn frá. Forskráning er hafin hér. Nánari upplýsingar bráðlega…
22/01/2020 | Fræðsla, Fréttir, Viðburðir
Þann 22. janúar var haldinn Menntamorgunn atvinnulífsins þar sem haldið var áfram að fjalla um rafræna fræðslu.
Kolbrún Magnúsdóttir, fræðslu- og starfsþróunarstjóri Bláa Lónsins fór yfir vegferð Bláa Lónsins í stafrænni fræðslu, hvert fyrirtækið er komið, hverju það hefur breytt og þau tækifæri sem þau sjá búa í rafrænni fræðslu.
Sigurjón Hákonarson, framkvæmdastjóri Taekninám.is ræddi helstu áskoranir og lærdóm sem fyrirtækið hefur dregið af því að framleiða stafrænt námsefni síðustu tvö ár.
Og að lokum var erindi Ingu Steinunnar Björgvinsdóttur, markaðsstjóra Promennt og Bryndísar Ernstdóttur, ráðgjafa á mannauðssviði Advania þar sem fram komu hugleiðingar og hagnýt atriði í gerð rafræns fræðsluefnis.
Upptöku frá fundinum má sjá hér fyrir neðan:
22/01/2020 | Fræðsla, Fréttir, Þjónusta
Það var mikið rætt og hlegið á einstaklega gagnlegum og skemmtilegum morgunfyrirlestri um þjónustusímsvörun með þjónustusérfræðingnum Margréti Reynisdóttur hjá Gerum betur. Ekki spillti fyrir að með henni var góður gestur, Örn Árnason leikari, sem fór á kostum við að glæða lífi hin ýmsu dæmi sem læra mátti af. Líflegar umræður spunnust og óhætt að segja að allir hafi farið reynslunni ríkari frá okkur þann morguninn.
Í tilefni af fyrirlestrinum býður Margrét sérkjör á nýútkominni bók sinni um þjónustusímsvörun næstu þrjár vikurnar. Og hún gerir enn betur og býður sértilboð á rafrænu námskeið um sama efni. Þú getur nálgast bókina hér og námskeiðið hér og með kóðanum svth færðu 20% afslátt.
