Andrés Magnússon, framkvæmdastjóri SVÞ, var í fréttum Bylgjunnar og í umfjöllun á Vísi um jólaverslunina og áhrif sóttvarnayfirvalda á hana.
Hann segir að þrátt fyrir að jólaverslun sé að færast framar, bæði vegna afsláttardaga í nóvember á borð við dag einhleypta, svartan föstudag og netmánudag, og vegna sóttvarnartakmarkana, þá stefni í óefni í desember ef ekki verði tilslakanir á þeim fjöldatakmörkum sem nú eru við lýði.
Andrés bendir verðlagseftirliti ASÍ á það að 1. desember í fyrra stóð gengisvísitalan í 176 en í dag standi hún í u.þ.b. 208. Þau atriði sem hafa helst áhrif á verðlag innfluttrar vöru á Íslandi er gengi íslensku krónunnar og launin í landinu. Þarna sést vel hversu mikið gengi krónunnar hefur veikst á þessum tíma. Hann segir einnig alla vita hverjar umsamdar launahækkanir hafa verið á liðnu ári. Í þessu ljósi sé ekkert annað að gera en að vísa þessum fullyrðingum til föðurhúsanna.
Andrés Magnússon, framkvæmdastjóri SVÞ, var bæði á RÚV, Vísi og í fréttum Stöðvar 2 síðastliðna daga þar sem hann gagnrýnir harðlega þær tilslakanir sem gerðar voru á sóttvanaraðgerðum þann 13. nóvember sl.
Hann segir hætt við því að aðgerðirnar muni hafa alvarleg áhrif á verslunarstarfsemi nú þegar háannatími greinarinn er að hefjast og að það skjóti skökku við að fjöldi þeirra sem megi vera inni í verslun á hverjum tíma miðist ekki við stærð þess húsnæðis sem um ræðir. Andrés bendir réttilega á að röskun sem þessi á atvinnulífinu muni hafa bein áhrif á skatttekjur ríkissjóðs.
Á Vísi í dag, þann 12. nóvember, er m.a. rætt við félagsmann okkar í Elko og við Andrés Magnússon, framkvæmdastjóra SVÞ um aukna netverslun á tímum COVID.
Andrés segir m.a.: „Það er hverju orði sannara að Covid-19 hefur flýtt mjög öllum stafrænum breytingum og tækniframförum í greininni og við þurfum að halda mjög vel á spilunum til að halda okkar hlutdeild í alþjóðasamkeppni.“
Andrés Magnússon, framkvæmdastjóri SVÞ, ræddi jólaverslun í heimsfaraldri í Síðdegisútvarpinu á Rás 2 þann 5. nóvember sl.
Í viðtalinu kemur fram að jólaverslunin mun færast mikið yfir á netið eftir aukningu í netverslun í COVID. Íslenskar verslanir hafa tekið sér taki hvað varðar netverslun til að mæta samkomutakmörkunum í faraldrinum. Andrés segist ekki hafa áhyggjur af því að koma vörum heim til neytenda því að auknir möguleikar séu að skapast til að koma vörum til neytenda, með aukinni samkeppni á þeim markaði.
Andrés segir mikilvægt að íslenskar verslanir skapi sér samkeppnisforskot á stóra erlenda netverslunaraðila þar sem alþjóðleg samkeppni eykst sífellt. Almennt fer 20-25% innlendrar verslunar fram í nóvember og desember. Nú eru Íslendingar ekki að ferðast erlendis og íslensk verslun hefur notið góðs af því og má búast við því að jólaverslunin muni líka njóta þess, auk þess sem kaupmáttur hérlendis er enn sterkur. Hann segir einnig verslunardaga á borð við dag hinna einhleypu, svartan föstudag og rafrænan mánudag draga til sín mikið af jólaversluninni.
Jón Ólafur Halldórsson, formaður SVÞ, var í viðtali hjá Jóni G. á Hringbaut þann 4. nóvember sl.
Í viðtalinu ræða Jónarnir stöðu verslunarinnar, stöðu stafrænnar umbreytingar og stafræna hæfni í íslensku atvinnulífi, og hvatninguna sem SVÞ og VR sendu stjórnvöldum nýverið.
Jón Ólafur bendir á að það sé lífsspursmál fyrir samkeppnishæfni Íslands að taka á stafrænu málunum.
Einnig ræða þeir vefverslun, ferðaþjónustu og orkuskipti.