Fjölda­tak­markanir verði rýmkaðar í 200 manns í stærri mat­vöruverslunum

Fjölda­tak­markanir verði rýmkaðar í 200 manns í stærri mat­vöruverslunum

Andrés Magnússon, framkvæmdastjori SVÞ, var í Morgunútvarpi Rásar 2 sl. föstudag þar sem hann ræddi mikilvægi þess að rýmka fjöldatakmarkanir í stórum matvöruverslunum núna rétt fyrir jólin upp í 200 manns. Hann sagði breytinguna 10. desember hafa létt stöðuna mjög og einfaldað versluninni lífið en þá voru fjöldatakmarkanir í verslunum með annað en matvörur og lyf rýmkaðar. Hinsvegar sé nauðsynlegt að hleypa fleirum að á þessum síðustu dögum fyrir jól þegar fólk verslar ferskvöru fyrir hátíðarnar.

>> Hlustaðu á viðtalið hér.

 

Um málið var einnig fjallað í Fréttablaðinu sama dag og má sjá þá umfjöllun hér.

Úr Viðskiptablaðinu: Reglugerð ógni lyfjaöryggi

Úr Viðskiptablaðinu: Reglugerð ógni lyfjaöryggi

Fyrirsögnin á forsíðu Viðskiptablaðsins þann 17. desember er Reglugerð ógni lyfjaöryggi og á blaðsíðu 10 og 11 er viðtal við Andrés Magnússon, framkvæmdastjóra SVÞ og Jakob Fal Garðarsson, framkvæmdastjóra Frumtaka – samtaka framleiðenda frumlyfja.

Í viðtalinu kemur m.a. fram að fyrirhuguð reglugerð muni hafa verulega neikvæð áhrif á lyfjageirann hérlendis m.a. með því að hafa letjandi áhrif á skráningu nýrra lyfja og geti jafnvel leitt til afskráningar lyfja sem nú eru á markaði og í mikilli notkun.

Lesa má vefútgáfu af fréttinni og viðtalinu á vb.is hér.

Svona var skemmtiþátturinn Látum jólin ganga

Svona var skemmtiþátturinn Látum jólin ganga

Skemmtiþátturinn Látum jólin ganga var sýndur í opinni dagskrá Stöðvar 2, sl. fimmtudag, 10. desember. Markmið þáttarins var að stappa stálinu í þjóðarsálina og hvetja landann til að halda viðskiptum sínum innanlands til að efla íslenskt efnahagslíf á COVID tímum.

Sjá má þáttinn hér fyrir neðan og umfjöllun á Vísi hér.

Látum jólin ganga

Látum jólin ganga

Látum jólin ganga er jóla-, skemmti-, tónlistar- og viðtalsþáttur í tengslum við átakið Íslenskt – láttu það ganga sem verður í beinni útsendingu í kvöld kl. 19.35 á Stöð 2 pg Vísi. Þáttastjórnendurnir Logi Bergmann Eiðsson og Sigrún Ósk Kristjánsdóttir verða á stóra sviði Borgarleikhússins og fá til sín fjölmarga gesti.

Markmiðið með þættinum er að stappa stálinu í þjóðarsálina, hvetja landann til að kaupa íslenska framleiðslu, íslenska hönnun, innlendar vörur og þjónustu og þá af innlendum vefverslunum frekar en erlendum keppinautum. Þeir Fannar Sveinsson og Benedikt Valsson verða einnig á vettvangi og gera sitt allra besta til að láta hjól atvinnulífsins snúast. „Við ætlum að vera jákvæð, skemmtileg, í jólaskapi og hvetja hvert annað til að hafa keðjuverkandi áhrif og halda atvinnustarfsemi gangandi, þrátt fyrir ýmis högg á þessu ári. Maður verður nefnilega að vera léttur,” segir Logi.

Þátturinn, sem Skot Productions framleiðir, er styrktur af Samtökum atvinnulífsins og aðildarfélögum sem og atvinnuvega- og nýsköpunarráðuneytinu.

SVÞ fagnar breytingum í viðtali í Speglinum

SVÞ fagnar breytingum í viðtali í Speglinum

Andrés Magnússon, framkvæmdastjóri SVÞ, var í Speglinum á RÚV þann 8. desember þar sem hann fagnaði tilslökunum á sóttvarnarráðstöfunum. Hann sagði langflestar verslanir í landinu vel geta lifað við nýjar reglur og aðlagað sig að þeim og þetta væri fagnaðarefni fyrir geirann. Hann sagði algeng stærð á verslunarrýmum í verslunum t.d. í Kringlunni og Smáralindinni um 100m2 og þessar nýju reglur þýða að það megi vera 100 manns inni í slíkum rýmum sem eigi að duga í langflestum tilfellum. Fyrirtækin sem reka starfsemi í stærri rýmum séu líka almennt búin að skipta þeim rýmum upp í fleiri hólf og þessar reglur gjörbreyta því þegar inni í hverju hólfi geti verið 100 manns í stað 10 áður. Andrés segir jafnfram árið hafa verið gott fyrir verslunina þar sem neysla hefur færst erlendis frá og hingað heim.

Skv. breytingum sem búið er að boða að verði gerðar á sóttvarnarráðstöfunum og taka gildi 10. desember næstkomandi mega allar verslanir taka á móti 5 manns á hverja 10m2 en að hámarki 100 manns.

 

>> Smelltu hér til að hlusta – viðtalið byrjar ca. 14:55  mín inn.