27/11/2024 | Fréttir, Kosningar 2024, Samtök heilbrigðisfyrirtækja
Vb.is birtir þann 27. nóvember 2024:
„Það fannst mér miður en það er ákvörðun landlæknis“
Heilbrigðisráðherra segir að það hafi verið landlæknir sem tók ákvörðun um að stefna heilbrigðissprotanum Köru Connect.
„illum Þór Þórsson, heilbrigðisráðherra, segir að það hafi verið ákvörðun landlæknis að stefna heilbrigðistæknifyrirtækinu Köru Connect vegna úrskurðar kærunefndar útboðsmála í máli fyrirtækisins gegn embættinu, heilsugæslu höfuðborgarsvæðisins, Origo og Sensa.
„Útboðsnefnd gerir athugasemdir og í þessu tilviki þá verð ég að segja að það var ákvörðun landlæknis að láta reyna á það mál fyrir dómi,“ segir Willum í samtalsþætti SVÞ fyrir kosningar.
Lestu greinina hér: vb.is/frettir/thad-fannst-mer-midur-en-thad-er-akvordun-landlaeknis
Viltu vita meira um þættina þar sem rædd eru fjölbreytt mál sem félagsfólk varðar, s.s matvörur og matvöruverslun, samgöngur og ökutæki, menntun og sjálfstæða skóla o.fl. Þú getur fengið allar upplýsingar um þá hér: svth.is/kosningar-2024
28/03/2023 | Fréttir, Samtök heilbrigðisfyrirtækja
Aðalfundur Samtaka heilbrigðisfyrirtækja 2023 og málstofa í tengslum við aðalfundinn verður haldinn fimmtudaginn 30. mars n.k. kl. 16:00 í fundarsalnum Hyl, Húsi atvinnulífsins, Borgartúni 35, 105 Reykjavík.
Dagskrá:
15.50 Húsið opnar
16.00 Málstofa – öllum opin
a. Ávarp formanns Samtaka heilbrigðisfyrirtækja: Dagný Jónsdóttir
b. Gestur: Sigurður H. Helgason, forstjóri Sjúkratrygginga Íslands
c. Almennar fyrirspurnir og umræður
SMELLTU HÉR FYRIR NÁNARI DAGSKRÁ OG SKRÁNINGU.
01/04/2022 | Fréttir, Samtök heilbrigðisfyrirtækja
Aðalfundur Samtaka heilbrigðisfyrirtækja 2022
Aðalfundur Samtaka heibrigðisfyrirtækja var haldinn 31. mars s.l.
Í tengslum við aðalfundinn var haldið málþing og gestur þess var Willum Þór Þórsson, heilbrigðisráðherra. Fór ráðherra vítt og breitt yfir málefni sem snúa að sjálfstætt starfandi heilbrigðisfyrirtækjum, s.s. stöðuna í samningaviðræðum við Sjúkratryggingar Íslands um nýjan samning, aðgerðir til að tryggja nýliðun í læknastétt og málefni heilsugæslunnar.
Ráðherra svaraði að framsögu lokinni fjölmörgum fyrirspurnum frá félagsmönnum.
Á aðalfundinum var Dagný Jónsdóttir endurkjörin formaður samtakanna. Meðstjórnendur til tveggja ára voru kjörin þau Gunnlaugur Sigurjónsson og Inga Berglind Birgisdóttir.
Varamenn í stjórn voru kjörnir þeir Stefán E. Matthíasson og Þórarinn Guðnason
30/03/2022 | Fréttir, Innra starf, Innri, Samtök heilbrigðisfyrirtækja
Aðalfundur Samtaka heilbrigðisfyrirtækja 2022 verður haldinn fimmtudaginn 31. mars n.k. kl. 16:00
Staður: Fundarsalurinn Hylur, Húsi atvinnulífsins, Borgartúni 35, 105 Reykjavík.
Skráning fer fram hér fyrir neðan:
Dagskrá:
- Kl: 15.50 Húsið opnar
- Kl: 16.00 Málstofa – öllum opin
- Ávarp formanns Samtaka heilbrigðisfyrirtækja: Dagný Jónsdóttir
- Gestur: Willum Þór Þórsson, heilbrigðisráðherra
- Almennar fyrirspurnir og umræður
- Kl: 17.00
Aðalfundur Samtaka heilbrigðisfyrirtækja opinn fulltrúum aðildarfélaga
- Setning fundar
- Skipun fundarstjóra
- Skipun ritara
- Skýrsla stjórnar fyrir sl. starfsár
- Stjórnarkjör:
- a) Kjör formanns
- b) Kjör tveggja meðstjórnend
- c) Kjör tveggja varamanna
- Önnur mál
SMELLTU HÉR FYRIR SKRÁNINGU
16/09/2021 | Flutningasvið, Fréttir, Menntun, Samtök heilbrigðisfyrirtækja, Stafræn viðskipti, Stafræna umbreytingin, Stjórnvöld, Upptaka
Nú á dögunum fékk SVÞ til sín frambjóðendur nokkurra helstu flokka sem bjóða fram til Alþingis nú í haust. Andrés Magnússon, framkvæmdastjóri SVÞ, tók viðtölin og frambjóðendur voru spurðir um ýmis mál sem aðildarfyrirtæki SVÞ varðar.
Frambjóðendur fengu spurningarnar sendar fyrirfram svo þeir gætu undirbúið sig. Spurningarnar voru um eftirfarandi mál:
- Hvað þeim fyndist um aðgerðir núverandi stjórnvalda þegar kemur að stafrænni umbreytingu og stafrænni hæfni í atvinnulífinu og á vinnumarkaði.
- Hvort þau styddu aðkomu stjórnvalda að stafrænum hæfniklasa sem í dag standa að SVÞ, VR og Háskólinn í Reykjavík.
- Hvað þau hyggist gera varðandi stafræna hæfni og umbreytingu atvinnulífs og vinnumarkaðar?
- Hvernig tryggja skal að grunnmenntakerfið (grunnskólar, framhaldsskólar og háskólar) og sí- og endurmenntunarkerfið geti sem best mætt þörfum atvinnulífsins.
- Hvernig þau teldu að bæta mætti gæði opinberra innkaupa.
- Hver afstaða þeirra væri til einkareksturs í heilbrigðiskerfinu.
- Hvernig þau sæu fyrir sér hlutverk sjálfstætt starfandi sérgreinalækna.
- Hvort þau teldu að heimila ætti starfsemi fleiri sjálfstætt starfandi heilsugæslustöðva.
- Hver afstaða þeirra væri til útvistunar verkefna hins opinbera til einkaaðila.
- Hvernig þau myndu beita sér fyrir slíkri útvistun.
- Hver þeirra afstaða væri til endurskoðunar fyrirkomulags fasteignaskatta.
- Hvort þau teldu þörf á stuðningi við landbúnaðinn bæði í formi beinna styrkja og tollverndar eða hvort einn stuðningur ætti að nægja.
- Hversu langt þeim finnist að stjórnvöld eigi að ganga í viðleitni sinni til að hraða orkuskiptum í landflutningum.
- Hvaða þáttum stjórnvöld þurfi að gæta í vegferð sinni til að hraða orkuskiptum í landflutningum.
- Hvaða vegaframkvæmdir þau vilji sjá settar á oddinn í samgönguáætlun.
- Hvernig þau hygðust stuðla að fjölbreyttara atvinnulífi.
Þegar hafa svör nokkurra frambjóðenda um hin ýmsu mál verið birt á Facebook síðu SVÞ (facebook.com/samtok.vth) en verulega verður gefið í næstu daga og hver málaflokkur tekinn fyrir einn dag í einu.
ATH! Ekki eru öll svör allra frambjóðenda birt heldur er valið úr.
Viðmælendur
Eftirfarandi frambjóðendur voru teknir tali. Öll eiga þau það sameiginlegt að vera ný á vettvangi Alþingiskosninga og að vera í sætum sem gera þau nokkuð líkleg til að komast inn á þing.
- Björn Leví Gunnarsson, Píratar – 1. sæti í Reykjavíkurkjördæmi suður
- Fjóla Hrund Björnsdóttir, Miðflokki – 1. sæti í Reykjavíkurkjördæmi suður
- Guðrún Hafsteinsdóttir, Sjálfstæðisflokki – 1. sæti í Suðurkjördæmi
- Gunnar Smári Egilsson, Sósíalistaflokki – 1. sæti í Reykjavíkurkjördæmi norður
- Hólmfríður Árnadóttir, Vinstri grænum – 1. sæti í Suðurkjördæmi
- Jóhann Friðrik Friðriksson, Framsókn – 2. sæti í Suðvesturkjördæmi
- Sigmar Guðmundsson, Viðreisn, 2. sæti í Suðvesturkjördæmi
- Valgarður Lyngdal, Samfylkingunni – 1. sæti í Norðvesturkjördæmi
Hvenær get ég séð hvað?
Hér má sjá hvenær hver málaflokkur verður birtur*:
Þegar er búið að birta nokkur viðtöl í nokkrum málaflokkum. Á næstunni verða svo öll viðtölin birt eftir málaflokkum.
Stafræn hæfni og umbreyting – 15. september – hefur þegar verið birt
Einkarekstur í heilbrigðiskerfinu – 16. september
Einkarekstur í heilbrigðiskerfinu – 17. september
Menntakerfið – 18. september
Opinber innkaup, útvistun hins opinbera og fasteignaskattar – 19. september
Tollar og landbúnaður – 20. september
Fjölbreyttara atvinnulíf – 21. september
Forgangsmál í innviðauppbyggingu og orkuskipti í landflutningum – 22. september
*tímasetningar geta breyst
25/08/2021 | Fréttir, Samtök heilbrigðisfyrirtækja, Stjórnvöld, Viðburðir
Nú kl. 16 hefst sérstakur fundur SA og SVÞ um heilbrigðismál sem ber yfirskriftina Heilbrigðiskerfið á krossgötum. Meðal þeirra sem halda erindi eru Björn Zoëga, forstjóri Karolinska sjúkrahússins, Þorbjörg Helga Vigfúsdóttir, stofnandi Köru Connect og Halldór Benjamín Þorbergsson, framkvæmdastjóri Samtaka atvinnulífsins.
Hér fyrir neðan má sjá lifandi streymi frá fundinum, en honum er einnig streymt á Facebook viðburði og síðum samtakanna og á helstu fréttamiðlum.
DAGSKRÁ:
Halldór Benjamín Þorbergsson – framkvæmdastjóri Samtaka atvinnulífsins: Heilbrigðisþjónusta á tímamótum. Ný nálgun, nýjar áherslur
Björn Zoëga – forstjóri Karolinska sjúkrahússins í Svíþjóð: Að horfa heim á íslenskt heilbrigðiskerfi
Gunnlaugur Sigurjónsson – læknir og stofnandi Heilsugæslunnar Höfða: Reynsla heilsugæslunnar af fjölbreyttum rekstrarformum, árangur og áskoranir
Kristján Guðmundsson, háls-nef- og eyrnalæknir: Samningagerð í heilbrigðisþjónustu
Þorbjörg Helga Vigfúsdóttir – stofnandi og framkvæmdastjóri Köru Connect: Nýsköpun í heilbrigðisþjónustu
Guðmundur Grétar Bjarnason – eftirlaunaþegi: Reynsla notanda, saga úr íslensku heilbrigðiskerfi
Fundarstjóri: Dagný Jónsdóttir – formaður Samtaka heilbrigðisfyrirtækja
SJÁ STREYMIÐ HÉR:
