03/03/2023 | Flutningasvið, Fræðsla, Innra starf, Stjórnvöld, Umhverfismál-innri, Viðburðir
Öryggi í alþjóðlegum vöruflutningum á viðsjárverðum tímum.
AEO öryggisvottun er brú inn í framtíðina.
Upptaka frá viðburði 2.mars 2023
Fyrirlesari: Lars Karlsson.
Lars heldur erindi um þá þróun sem átt hefur sér stað í alþjóðlegum vöruflutningum á umliðnum árum og hvernig bregðast skuli við ógnunum sem steðja að til að tryggja öruggt vöruflæði til og frá landinu. Lars fjallar um ávinning fyrir íslensk fyrirtæki að gerast viðurkenndir rekstraraðilar (AEO).
Fyrirtæki geta með fyrirbyggjandi aðgerðum verið betur í stakk búin að fást við truflanir og brugðist hraðar við þegar ófyrirséðir atburðir eiga sér stað.
01/11/2022 | Fræðsla, Stjórnvöld, Umhverfismál, Umhverfismál-innri, Upptaka
Með gildistöku ákvæða laga nr. 103/2021 (EES-reglur, hringrásarhagkerfi) um næstu áramót verða töluverðar breytingar á ábyrgð framleiðenda og innflytjenda sem einkum munu koma fram í hærra og breiðara úrvinnslugjaldi en áður. Vegna ákvæða laganna munu verkefni Úrvinnslusjóðs og Endurvinnslunnar hf. aukast að umfangi. Til grundvallar liggur hugmyndafræði hringrásarhagkerfisins og er lögunum ætlað að leiða fram hegðunarbreytingar í átt til kostnaðarskilvirkni.
Á sérstökum viðburði SA þann 26.október s.l. fór Benedikt S. Benediktsson, lögfræðingur SVÞ dýpra ofaní gildistöku ákveða laganna. Eygerður Margrétardóttir fór ofaní hvað lögin þýða fyrir sveitarfélögin og Þorsteinn Víglundsson fór yfir áskoranir og tækifæri fyrirtækja. Þá stýrði Hugrún Elvarsdóttir, verkefnastjóri á Efnahags og samskiptasviði SVÞ sérstökum pallborðsumræðum.
Hægt er að horfa á upptöku fundarins hér fyrir neðan.
15/06/2022 | Fréttir, Umhverfismál, Umhverfismál-innri, Verslun, Viðburðir, Þjónusta
Samtök atvinnulífsins og aðildarfélög óska eftir tilnefningum til Umhverfisverðlauna atvinnulífsins fyrir 8. september.
Verðlaunin eru veitt af forseta Íslands, Guðna Th. Jóhannessyni, á Umhverfisdegi atvinnulífsins 5. október í Hörpu.
Tekið er við tilnefningum með tölvupósti á sa@sa.is merktum:
„Tilnefning til Umhverfisverðlauna atvinnulífsins“.
Veitt eru tvenn verðlaun; umhverfisfyrirtæki ársins og framtak ársins.
Dómnefnd velur úr tilnefningum* og mun meðal annars skoða eftirfarandi þætti:
- Umhverfisfyrirtæki ársins
- Hefur innleitt umhverfisstjórnunarkerfi
- Hefur aflað viðurkenninga fyrir starfsemina/afurðirnar
- Hefur sjálfbæra nýtingu í stefnu sinni
- Hefur dregið úr úrgangi og nýtir aðföng vel
- Innra umhverfi er öruggt
- Áhættumat hefur verið gert fyrir starfsemina
- Gengur lengra en lög og reglur segja til um til að draga úr áhrifum starfseminnar á umhverfið
- Framtak ársins
- Hefur efnt til athyglisverðs átaks til að draga úr umhverfisáhrifum af starfsemi sinni
- Hefur komið fram með nýjung – vöru, þjónustu eða aðferð – sem hefur jákvæð umhverfisáhrif*Einungis er hægt að tilnefna skráða félagsmenn Samtaka atvinnulífsins til Umhverfisverðlauna atvinnulífsins.
Dagskrá verður birt er nær dregur.
Að Umhverfisdegi atvinnulífsins standa Samtök atvinnulífsins, Samtök iðnaðarins, Samorka, Samtök ferðaþjónustunnar, Samtök fjármálafyrirtækja, Samtök fyrirtækja í sjávarútvegi og Samtök verslunar og þjónustu.
SMELLTU HÉR FYRIR ALLA FRÉTTINA
19/05/2021 | Fréttir, Umhverfismál, Umhverfismál-innri
Festa, miðstöð um samfélagsábyrgð og sjálfbærni, hefur gefið út heildstæðan fræðslupakka og verkfærakistu sem gerir litlum og meðalstórum fyrirtækjum kleift að hefja vegferð sína í umhverfis- og loftslagsmálum.
Þessi heildstæði pakki gerir notendum kleift að setja sér stefnu, markmið og mæla árangurinn í samræmi við alþjóðlega viðurkennda staðla og er aðlagað að íslenskum raunveruleika með raundæmum úr íslensku atvinnulífi.
Markmið Festu er að það sé engin fyrirstaða fyrir því að hefja vegferð í loftslags- og umhverfisvænum rekstri.
SVÞ hvetur aðildarfyrirtæki sín til að kynna sér og nýta fræðsluna og verkfærakistuna, sem nálgast má hér: Samfelagsabyrgd.is/frettir/fraedslupakki-gjof-fra-festu
17/03/2021 | Innri, Myndband-innri, Netverslun-innri, Umhverfismál-innri, Verslun-innri, Þjónusta-innri
Vorið 2020 breyttist ýmislegt, eins og við öll vitum. Eftir að hafa snúið stóru ráðstefnunni okkar yfir í raunheima á 3 dögum (sjá má upptökur frá henni hér á innri vefnum) vorum við í smá limbó í nokkurn tíma varðandi fyrirkomulag á fræðslu- og viðburðadagskrá SVÞ, auk þess sem stemmningin var kannski ekki alveg þannig að fólk flykktist á viðburði fyrst um sinn – ekki einu sinni á netinu. Sem liður í að hvetja okkar fólk áfram og hjálpa til við að halda eins góðum anda og mögulegt væri átti SVÞ frumkvæðið að því að settur var upp Facebook hópur, í samstarfi við Samtök ferðaþjónustunnar og Samtök iðnaðarins, undir yfirskriftinni Höldum áfram! Það verkefni hefur í framhaldinu færst yfir til Samtaka atvinnulífsins og áherslur þess breyst aðeins, en eitt af því sem kom út úr þessum fyrstu vikum og mánuðum í hópnum eru morgunstundir Höldum áfram! þar sem tekin voru viðtöl við fjölda öflugra einstaklinga, sem eiga ekki síður erindi við okkur í dag en þau gerðu þá.
Því ákváðum við að taka þau saman hér á einni síðu og hvetjum þig til að horfa – eða bara hlusta á meðan þú ert að bralla eitthvað annað. Njóttu!
Rannveig Grétarsdóttir: Hvernig þú getur nýtt rólegan tíma til góðra verka
Við vorum live með Rannveigu Grétarsdóttur, eiganda og framkvæmdastjóra Eldingar!
Ingibjörg Björnsdóttir: Hvað geturðu gert til að efla fyrirtækið þitt?
Við ræddum við Ingibjörgu Björnsdóttur, rekstrarsérfræðing Litla Íslands, um hvað hægt er að gera til að efla fyrirtækið sitt.
Rúna Magnúsdóttir: Hvernig höldum við í gleðina á tímum COVID-19?
Í með Rúnu Magnúsdóttur markþjálfa var umræðuefnið hvernig við höldum uppi starfsandanum og hvernig við höldum í gleðina á þessum krefjandi tímum.
Edda Blumenstein: Lykilatriðið til að ná til viðskiptavinanna okkar
Við Eddu Blumenstein, markaðsgúrú og Omnichannel sérfræðing, ræddum við hvað lykilatriðið er til að ná til viðskiptavinanna okkar þessa dagana.
Berglind Ragnarsdóttir: Þjónustuhönnun – nýtum timann til að bæta þjónustuna!
Við ræddum við Berglindi Ragnarsdóttur þjónustuhönnuð um hvernig við getum nýtt tímann til að bæta þjónustuna við viðskiptavini o.fl. því tengt!
Anna Lóa Ólafsdóttir: Samskipti og styttri þræðir
Anna Lóa Ólafsdóttir er m.a. þekkt fyrir skrif sín í Hamingjuhornið en hún er einnig ráðgjafi hjá VIRK. Við ræddum samskipti og styttri þræði í spjalli dagsins.
Ólafur Elínarson: Nýjustu rannsóknir um netverslun og COVID-19
Ólafur Elínarson hjá Gallup fór yfir mjög áhugaverðar upplýsingar úr nýjustu rannsóknum um netverslun – það hefur nú heldur betur mikið breyst og þróast þar á tímum COVID-19!
Guðmundur Arnar Guðmundsson: Markaðsstarf í kreppu
Við ræddum við Gudmund Arnar Gudmundsson, markaðsgúrú og ráðgjafa hjá Markaðsakademíu Akademias. Hann ræddi við okkur um markaðsstarf í kreppu og að hverju við þurfum að huga í þeirri stöðu.
Eva Magnúsdóttir: 10 ráð um samfélagslega ábyrgð eftir COVID-19
Eva Magnúsdóttir hjá Podium er ráðgjafi í stefnumótun og samfélagsábyrgð. Við ræddum um það sem við getum lært af þessum breyttu tímum og þau tækifæri sem eru að koma út úr þeim.
Ósk Heiða Sveinsdóttir: Rifið í handbremsuna
Ósk Heiða Sveinsdóttir hjá Póstinum ræddi við okkur um áskoranir í markaðsstarfi þegar ytri aðstæður rífa í handbremsuna, og tækifærin sem falist geta í því.
Dagbjört Vestmann: Góð ráð fyrir netverslun
Dagbjört Vestmann var gestur morgunstundarinnar en hún er vefverslunarstjóri A4 og Legobúðarinnar og var áður vefverslunarstjóri Elko. Nú þegar sífellt fleiri netverslanir opna og netverslun er að aukast almennt ætlum við að ræða eitt og annað sem nauðsynlegt er að huga að í netverslunum.
Sóley Kristjánsdóttir: Að halda í gleðina og sjá tækifærin
Í morgunstundinni var Sóley Kristjánsdóttir, viðskiptastjóri hjá Gallup, en við fengum hana til okkar því við heyrðum af því að hún væri að gera svo skemmtilega hluti með starfsfólkinu hjá Gallup og Já – hún er nefnilega líka markþjálfi og að ljúka diplómanámi í jákvæðri sálfræði!
Særún Ósk Pálmadóttir: Krísustjórnun
Við ræddum við Særúnu Ósk Pálmadóttur, samskiptastjóra Haga um krísustjórnun.
Þórunn Jónsdóttir: Nýsköpun og tækifæri í henni
Við vorum með Þórunni Jónsdóttur, viðskiptaráðgjafa og sérfræðingi í nýsköpun og frumkvöðlastarfsemi, og ræddum nýsköpun og þau tækifæri sem í henni felast!
Inga Hlín Pálsdóttir: Framtíð ferðaþjónustu í heiminum eftir COVID-19
Með okkur í síðustu morgunstundinni var Inga Hlín Pálsdóttir, alþjóðamarkaðsfræðingur með áratugareynslu í ferðaþjónustu og markaðssetningu. Inga er líklegast einna helst þekkt fyrir að hafa verið forstöðumaður hjá Íslandsstofu og lykilmanneskja í Inspired by Iceland verkefninu. Við spjölluðum saman um ferðaþjónustuna, breytta neytendahegðun, hvað talið er líklegt að muni fái fólk til að ferðast og hvaða lærdóm við getum dregið af því t.d. varðandi inntak í markaðsskilaboðunum okkar.
