11/09/2024 | Fréttir, Umhverfismál
Saman gegn sóun: Ný stefna um úrgangsforvarnir kynnt í Iðnó
Verkefnið Saman gegn sóun stendur fyrir viðburði í Iðnó þann 4. október þar sem ný stefna um úrgangsforvarnir verður kynnt. Á viðburðinum munu sérfræðingar á sviði sjálfbærni deila hugmyndum og lausnum til að draga úr sóun og bæta nýtingu auðlinda. Þátttakendur munu hafa tækifæri til að forgangsraða hugmyndum og leggja fram sínar eigin.
Viðburðurinn er opinn öllum en skráning er nauðsynleg – Smelltu HÉR fyrir skráningu.
Þátttaka þín getur haft raunveruleg áhrif á hvernig við nýtum verðmæti betur og dregum úr sóun í framtíðinni.
Komdu með þína sýn á betri úrgangsstjórnun og taktu þátt í að skapa sjálfbærar lausnir fyrir framtíðina!
05/09/2024 | Fréttir, Umhverfismál
Frá 26. september til 6. október mun Umhverfismerkið Svanurinn standa fyrir markaðsherferð til að kynna Svansvottaðar vörur á Íslandi. Þessi herferð hefur það að markmiði að vekja athygli á því hversu mikið úrval af umhverfisvænum vörum er til staðar og hversu mikilvæg Svansvottun er til að tryggja sjálfbærni.
Við hvetjum verslanir og fyrirtæki til að deila upplýsingum um Svansvottaðar vörur í þeirra vöruúrvali og taka þátt í þessari herferð sem styður neytendur við að velja skynsamlegri vörur fyrir umhverfið.
Hægt er að senda upplýsingar beint á svanurinn@ust.is. Og Umhverfisstofnun sér til þess að vörurnar verði skráðar og kynntar í tengslum við Svansdaga 2024.
Hjálpum neytendum að velja græna framtíð – Svansvottaðar vörur fást víðar en þú heldur!
12/08/2024 | Fréttir, Umhverfismál
Samtök atvinnulífsins SA og aðildarfélögin hvetja fyrirtæki til að tilnefna sig til Umhverfisverðlauna atvinnulífsins 2024 fyrir 6. september.
Verðlaunin, sem verða veitt á Umhverfisdegi atvinnulífsins 6. október 2024, heiðra bæði „Umhverfisfyrirtæki ársins“ og „Framtak ársins.“
Tilnefningarnar þurfa að fylgja settum viðmiðum og rökstuðningi. Einungis aðildarfyrirtæki Samtaka atvinnulífsins geta verið tilnefnd. Þetta er einstakt tækifæri til að lyfta fram fyrirtæki sem standa framarlega í umhverfismálum.
Nánari upplýsingar og tilnefningarform má finna HÉR!
06/08/2024 | Fréttir, Umhverfismál
EuroCommerce og ráðgjafarfyrirtækið Oliver Wyman, gáfu í júní sl., út nýja skýrslu sem varpar ljósi á mikilvægi fyrirtækja í verslunar- og heildsölugreinum í að ná kolefnishlutleysi í Evrópu.
Skýrslan, sem ber heitið „Net Zero Game Changer“, leggur áherslu á áhrif greinarinnar á kolefnisútblástur og þörfina á auknu gagnsæi og samvinnu.
Meðal innihalds skýrslunnar má nefna:
- Mikilvægi greinarinnar.
Verslunar- og heildsölugreinin er ábyrg fyrir um 1.6 gigatonnum af CO2e útblæstri árlega, sem er um þriðjungur af heildarútblæstri Evrópu. Skýrslan undirstrikar mikilvægi þess að draga úr þessum útblæstri til að ná markmiðum Evrópusambandsins um 55% minnkun útblásturs fyrir árið 2030.
- Áhersla á Scope 3 útblástur.
Um 98% af útblæstri í greininni kemur frá því sem kallast ‘Scope 3’, sem felur í sér útblástur frá aðfangakeðjum, svo sem við framleiðslu, flutning og notkun vara. Þetta gerir það að verkum að mikilvægt er að fyrirtæki í verslun og þjónustu vinni náið með birgjum og öðrum aðilum í aðfangakeðjunni til að draga úr þessum útblæstri.
- Reglugerðarlegar breytingar.
Nýjar reglur, eins og tilskipun um sjálfbæra skýrslugjöf fyrirtækja [Corporate Sustainability Reporting Directive] (CSRD), munu krefjast meiri gagnsæis og skýrsluskilum varðandi kolefnisútblástur. Þetta býður fyrirtækjum upp á tækifæri til að vera leiðandi í sjálfbærni og auka traust neytenda.
- Mikilvægi samræmdra mælinga.
Skýrslan leggur til að þróa samræmdar aðferðir til að mæla og skrá útblástur, til að auka áreiðanleika gagna og bæta samanburð milli fyrirtækja. Þetta mun hjálpa til við að draga úr útblæstri á skilvirkari hátt.
- Neytendavitund.
Með því að veita neytendum upplýsingar um kolefnisfótspor vörur geta fyrirtæki í verslun og þjónustu stuðlað að aukinni meðvitund og hvatt til val á umhverfisvænni vörum.
Skýrslan „Net Zero Game Changer“ er mikilvægt innlegg í umræðuna um sjálfbærni og kolefnishlutleysi í verslunar- og heildsölugreininni. Hún kallar eftir samstilltu átaki allra aðila innan greinarinnar til að ná markmiðum um minni kolefnisútblástur og bætta sjálfbærni.
Smelltu HÉR til að hlaða niður allri skýrslunni.
04/06/2024 | Fréttir, Umhverfismál, Verslun, Þjónusta
Ráð Evrópusambandsins hefur samþykkti nýja tilskipun sem á að stuðla að viðgerð bilaðra eða gallaðra vara, einnig þekkt sem rétturinn til viðgerðar, R2R-tilskipunin. Með henni er ætlunin að gera neytendum auðveldara um vik að óska viðgerða í stað þess að skipta út vörum, og viðgerðarþjónusta verður aðgengilegri, gegnsærri o.fl.
Tilskipunin er hluti af neytendaáætlun ESB og aðgerðaáætlun um hringrásarhagkerfi og er viðbót við löggjöf ESB sem er ætlað að stuðla að sjálfbærri neyslu.
Tilskipunin felur í sér kröfur um að söluaðilar (framleiðendur) verði að laga vörur sem er hægt að laga samkvæmt lögum ESB; stöðlun upplýsingagjafar um viðgerðarferli (tímarammar, verð o.s.frv.); stofnun evrópsks netvettvangs þar sem neytendur eiga að geta fundið viðgerðarþjónustu og framlengingu á ábyrgðartíma vara um 12 mánuði ef neytendur velja viðgerð í stað útskipta.
Tilskipunin er merkt EES-tæk og því má búast við því að innan tíðar hefjist upptökuferli hennar í EES-samninginn og í kjölfarið verði íslenskum lögum breytt til samræmis við ákvæði tilskipunarinnar.
Sjá nánar frétt HÉR!
22/03/2024 | Fræðsla, Fréttir, Menntun, Umhverfismál, Upptaka
Samtök atvinnulífsins og Deloitte á Íslandi héldu Sjálfbærnidag atvinnulífsins 19.mars sl. þar sem fyrirtæki á Íslandi gafst tækifæri til að sækja sér nýjustu þekkingu sem nýtist þeim í rekstri út frá sjálfbærni. Dagurinn var haldinn í þriðja sinn, núna í nýjum höfuðstöðvum Deloitte á Íslandi, Dalvegi 30.
Tilgangur dagsins í ár var að skoða þau viðskiptatækifæri sem felast í sjálfbærri umbreytingu á starfsemi fyrirtækja, hvernig sjálfbærni getur laðað að framtíðarviðskiptavini, gefið samkeppnisforskot, opnað dyr að auknu fjármagni og hvenær er stutt í grænþvott. Í kjölfar sameiginlegrar dagskrár var boðið upp á vinnustofu fyrir leiðtoga fjármála og sjálfbærni þar sem við heyrum reynslusögur fyrirtækja af EU Taxonomy og eigum gagnlegar samræður.
Aðalfyrirlesari dagsins var Claus Stig Pedersen, leiðtogi sjálfbærnimála á Norðurlöndunum og meðeigandi Deloitte.
Sjálfbærnidagur atvinnulífsins og Deloitte from Samtök atvinnulífsins.
Síða 2 af 14«12345...10...»Síðasta »
