11/08/2023 | Fréttir, Í fjölmiðlum
Í kvöldfréttum RÚV, 10.ágúst, benti Benedikt S. Benediktsson, lögfræðingur SVÞ á að stjórnvöld þyrftu að gæta betur að hagsmunum Ísland í sjóflutningum vegna tilskipunar Evrópusambandsins fyrir kolefnisjöfnuð skipafélaga.
„Það sem er sérstætt við þetta er að maður hefði kannski ætlað að íslensk stjórnvöld væri sá sem sérstalega myndi gæta íslenskra hagsmuna í samskiptum við alþjóðastofnanir. Okkar tilfinning hefur verið sú að það væri gert en núna má segja að það hafi að vissu leyti komið á daginn að sú hagsmunagæsla hafi verið vanbúin. Hafi hafist seint og í raun og veru ekki verið nægjanlega rík“, segir Benedikt S. Benediktsson lögfræðingur SVÞ – Samtaka verslunar og þjónustu.
Sjá nánari umfjöllun á RÚV.is
Sjá nánari umfjöllun á Mbl.is
Sjá viðtal á Bylgjunni ‘Mengunarskattur á skip mun rata í vasa neitenda’ 11.ágúst 2023
Sjá umfjöllun á MBL.is ‘Óvissa um loftlagstekjur’ 12. ágúst 2023
Sjá umfjöllun í Morgunblaðinu ‘Losunarheimildir 15 þúsund á mann’ 12. ágúst 2023
Sjá umfjöllun á Mbl.is ‘Hefði viljað fá undanþágu’ 14.ágúst 2023
10/08/2023 | Fréttir, Greining, Verslun, Þjónusta
RSV – Rannsóknasetur verslunarinnar birtir í dag upplýsingar um kortaveltu í júlí mánuði 2023.
Samkvæmt greiningu var kortavelta júlímánaðar 133,8 milljörðum króna og þar af er innlend kortavelta 92,1 milljarður króna en það er lækkun um 2,2% milli mánaða en innlenda kortaveltan eykst á milli ára um 5,4%. Netverslun Íslendinga eykst um 20% á milli ára og nemur 14,6 milljörðum króna. Erlend kortavelta eykst hinsvegar um 17% milli ára og nemur 41,75 milljörðum króna.
Nánari frétt má nálgast á vefsvæði RSV – HÉR
Nánari útlistun á kortaveltunni má nálgast í Sarpinum – HÉR
01/08/2023 | Fréttir, Greining, Verslun
RSV – Rannsóknasetur verslunarinnar birtir í dag tölur af erlendri netverslun frá áramótum.
Þar kemur m.a. fram að erlend netverslun var á sama tíma í fyrra 11 milljarðar en er í dag 12,5 milljarðar króna. Erlend netverslun í júní 2023 nemur 2,46 milljörðum kr. en hún dregst saman um 5,5% milli mánaða. Fataverslun er langstærsti hlutinn af erlendri netverslun eða 1,1 milljarður króna. Þá vekur athygli að flokkurinn stórmarkaðir og dagvöruverslanir hefur tvöfaldast á milli ára en í þeim flokki er matvara af ýmsum toga.
Sjá nánar hér og inná SARPNUM hjá RSV
18/07/2023 | Fréttir, Greinar, Í fjölmiðlum, Stjórnvöld
Morgunblaðið birtir í dag grein eftir Andrés Magnússon, framkvæmdastjóra SVÞ – Samtaka verslunar og þjónustu: Einokunarvígin falla hvert af öðru – líka í Svíþjóð.
Sjá slóð á greinina í Morgunblaðinu HÉR!
14/07/2023 | Fréttir
Vegna sumarleyfa verður skrifstofa SVÞ lokuð dagana 17. júlí til 7. ágúst (að báðum dögum meðtöldum).
Skrifstofan verður opnuð á ný þriðjudaginn 8. ágúst 2023.
Njótið sumarsins!
10/07/2023 | Fréttir, Lögfræðisvið SVÞ
Hinn 5. júlí 2023 var birt tilkynning á heimasíðu framkvæmdastjórnar Evrópusambandsins þar sem fram kemur að ákveðið hafi verið að leggja fram tillögu þess efnis að textílvörur verði háðar framlengdri framleiðendaábyrgð (e. Extended Producer Responsibility, skammstöfuð EPR).
Í stuttu máli felur EPR í sér að mengunarbótareglan er teygð út þannig að framleiðendur og innflytjendur textílefna, þ. á m. fatnaðar, verða látnir bera ábyrgð á slíkum vörum frá upphafi til enda. Hér á landi hefur EPR verið þannig útfærð að framleiðendur og innflytjendur vara greiða úrvinnslugjald við innflutning, tekjur af gjaldinu renna í Úrvinnslusjóð sem nýtir þær til að stuðla að því vörur sem eru orðnar að úrgangi rati í æskilegan úrgangsfarveg sem skilar bestri heildarniðurstöðu fyrir umhverfið, þ.e. undirbúning fyrir endurnotkun, endurvinnslu, aðra endurnýtingu, t.d. orkuvinnslu eða förgun.
Tillaga framkvæmdastjórnar ESB stefnir m.a. að því að fjölga störfum innan ESB-ríkjanna og spara neytendum á svæðinu fé. Ætlunin er að hvetja neytendur til að draga úr textílúrgangi og velja vörur sem eru bæði hannaðar til að endast lengi og eru þægilegar viðfangs m.t.t. úrgangsmeðhöndlunar. Samhliða er lagt upp með að vinna gegn útflutningi slíks úrgangs til landa utan ESB.
Enn á tillagan eftir að rata á borð Evrópuþingsins og -ráðsins en svo virðist sem stefnt sé að því að hún taki gildi í ESB-ríkjunum árið 2025. Ekki liggur þó endanlega fyrir hvernig tillagan muni líta út en gera má ráð fyrir að hún verði innleidd í íslenskan rétt.
Eftirfarandi er vefslóð á tilkynningu framkvæmdastjórnar ESB: https://ec.europa.eu/commission/presscorner/detail/en/ip_23_3635
Nánari upplýsinga má leita hjá Benedikt S. Benediktssyni, lögfræðingi SVÞ, benedikt@svth.is, s. 864-9136.
