Kynntu þér kosti aðildar

Högni Hjálmtýr Kristjánsson hefur verið lykilstarfsmaður hjá Kaldalóni frá 2021 og setið í framkvæmdastjórn frá þeim tíma. Félagið fór í gegnum mikið umbreytingarferli og gríðarlegan vöxt, en skilgreinir sig enn sem vaxtarfélag og náði meðal annars þeim áfanga að skrá sig á Aðalmarkað Nasdaq Iceland í lok árs 2023.

Íslandsbanki hefur á undanförnum árum skoðað ýmis tækifæri bæði til innri og ytri vaxtar bæði hér innanlands og utan. Í viðtali við ViðskiptaMoggann ræðir Jón Guðni Ómarsson bankastjóri Íslandsbanka um nýafstaðið útboð á hlut ríkisins í bankanum, mögulegar samrunaviðræður við Kviku, framtíðarsýn bankans og margt fleira.

Sprotafyrirtækið Abler, sem þróar hugbúnað sem einfaldar og eflir íþrótta- og tómstundastarf, er farið að þjónusta aðila erlendis á borð við Newcastle, Sunderland og Chelsea. 70% íslensku þjóðarinnar eru notendur Abler sem tengir saman iðkendur.

Rekstur Haga hefur gengið vel að undanförnu og hlutabréfaverð félagsins verið á mikilli siglingu. Finnur Oddsson forstjóri Haga var gestur í viðskiptahluta Dagmála þessa vikuna sem sýndur er á mbl.is.

Hlutabréf í Tesla lækkuðu um 14,3% á fimmtudag og markaðsvirði félagsins féll um 150 milljarða Bandaríkjadala í kjölfar opinberrar deilu milli Elons Musks og Donalds Trump Bandaríkjaforseta. Um er að ræða mestu dagslækkun á gengi Tesla í meira en tvö ár.