10/05/2023 | Fréttir, Greining, Verslun
Kortavelta dregst saman á milli mánaða.
Heildar greiðslukortavelta* hérlendis í apríl sl. nam tæpum 104 milljörðum kr. Veltan dróst saman um rúm 4,5% á milli mánaða en jókst um 11,8 % á milli ára miðað við breytilegt verðlag.
Heildar greiðslukortavelta innlendra korta hérlendis nam tæpum 82 milljörðum kr. en velta innlendra korta dróst saman um rúm 5,3% á milli mars og aprílmánaðar. Veltan jókst þó um rúm 4,2% á milli ára miðað við breytilegt verðlag.
Kortavelta erlendra ferðamanna hérlendis nam rúmum 21,9 milljörðum kr. Veltan dróst lítillega saman á milli mars og aprílmánaðar, um rúmt 1,5%, en jókst um 53,6% á milli ára miðað við breytilegt verðlag.
Framlag erlendra korta til ársbreytingar heildar greiðslukortaveltu í apríl sl. var 8,3% en framlag innlendra korta 3,6%.
SJÁ NÁNAR INNÁ VEF RSV HÉR!
01/05/2023 | Bílgreinasambandið, Fréttir
Það voru stór tímamót hjá Velti, Volvo atvinnutækjasviði Brimborgar, s.l. föstudag og tímamót á Íslandi þegar fyrstu 14 rafmagnsvörubílarnir og þeir fyrstu á Íslandi voru formlega til sýnis. Á sérstökum viðburði sem haldinn var í húsakynnum Velti var boðið verður upp á reynsluakstur, en bílarnir eru allir frá alþjóðlega vörubílaframleiðandanum Volvo Trucks.
Volvo Trucks hefur verið að framleiða rafmagnsvörubíla og rafmagnsrútur um árabil og eru þúsundir þannig rafknúinna bíla á götum víða um heim. Og nú hefur framleiðandinn hafið fjöldaframleiðslu sem eykur gæðin enn frekar og lækkar framleiðslukostnað.
Sjá hér nánari frétt á vefsíðu Brimborgar.
30/04/2023 | Fréttir, Í fjölmiðlum
Skortur á samkeppni í verslun er ekki orsakavaldur verðbólgu.
Andrés Magnússon, framkvæmdastjóri SVÞ – Samtaka verslunar og þjónustu var gestur Hallgríms Gestssonar í þættinum ‘Í vikulokin’ á RÚV 29.apríl s.l. þar sem Finnbjörn A. Hermannsson nýkjörinn forseti ASÍ, Katrín Ólafsdóttir dósent í hagfræði við Háskólann í Reykjavík og Andrés ræddu um þráláta verðbólgu á Íslandi.
SMELLIÐ HÉR TIL AÐ HLUSTA Á ALLAN ÞÁTTINN.
26/04/2023 | Fréttir, Innra starf, Samtök sjálfstæðra skóla
Aðalfundur SSSK – Samtaka sjálfstæðra skóla 2023 var haldinn í gær, þriðjudaginn 25.apríl í Húsi atvinnulífsins.
Eftirtaldir voru kjörnir í stjórn Samtaka sjálfstæðra skóla 2023-2024:
- Alma Guðmundsdóttir – formaður
- Guðmundur Pétursson – varaformaður
- Sigríður Stephensen – meðstjórnandi
- Jón Örn Valsson – gjaldkeri
- Atli Magnússon – meðstjórnandi
- Bóas Hallgrímsson – varamaður
- Íris Dögg Jóhannesdóttir – varamaður
- Hildur Margrétardóttir – varamaður
Skoðunarmenn voru kjörnir: Sólveig Einarsdóttir, leikskólastjóri, Vinnaminni og Sigríður Anna Guðjónsdóttir skólastjóri Skóla Ísaks Jónssona
Eftir að hefðbundnum aðalfundastörfum lauk var Kristrún Birgisdóttir framkvæmdarstjóri með kynningu á skólanum – Skóli í skýjunum sem er nýr félagsmaður SSSK.
Jóel Sæmundsson gamanmál um nýjar áherslur í menntamálum.
Fundarstjóri var Margrét Theódórsdóttir, skólastjóri Tjarnarskóla.
_____________
26/04/2023 | Fréttir, Greining
Netverslunarvísir RSV hækkar um 9,1% á milli ára
Vísitala erlendrar netverslunar, Netverslunarvísir RSV, hækkar um 8% frá fyrri mánuði. Síðastliðna tólf mánuði hefur vísitalan hækkað um 9,1%. Landsmenn keyptu því meira frá erlendum netverslunum í mars sl. miðað við í mars í fyrra.
Mest var aukningin á milli ára í erlendri netverslun með matvöru (74,7%) og vörur frá lyfja-, heilsu- og snyrtivöruverslunum (70%). Í flokki áfengisverslunar var 11,8% aukning á milli ára og erlend netverslun með fatnað í mars sl. jókst um 5,4% á milli ára.
Landsmenn keyptu vörur frá erlendum netverslunum fyrir tæpa 1,98 milljarða kr. í mars sl. Þar af voru rúmar 850 milljónir kr. vegna fataverslunar. Til samanburðar keyptu landsmenn vörur frá innlendum netverslunum fyrir rúma 3,6 milljarða kr. í mars sl. Þar af voru rúmar 250 milljónir kr. vegna fataverslunar.
Upplýsingum um erlenda netverslun landsmanna í mars sl. hefur verið bætt við Netverslunarvísi RSV á Sarpi.
SMELLIÐ HÉR TIL AÐ NÁLGAST ALLA FRÉTTINA.
19/04/2023 | Fréttir, Greining, Verslun
McKinsey og EuroCommerce birtir í dag skýrsluna ‘Living with and responding to uncertainty: The State of Grocery Retail 2023.’ Skýrslan gefur innsýn inní áskoranir matvælaverslana í Evrópu útfrá viðtölum við stjórnendur frá 50 fyrirtækjum í matvælaverslunum í Evrópu sem og könnun frá yfir 12 þúsund neytenda frá níu evrópu löndum.
Sjá fréttatilkynningu frá McKinsey & EuroCommerce – HÉR!
SMELLIÐ HÉR TIL AÐ HLAÐA NIÐUR SKÝRSLU McKINSEY
