12/03/2026 | Fréttatilkynningar, Fréttir, Innri, Verslun, Þjónusta
Ný stjórn SVÞ kjörin á aðalfundi samtakanna 2026
Aðalfundur SVÞ – Samtaka verslunar og þjónustu var haldinn í morgun, fimmtudaginn 12. mars, á Parliament Hótel í Reykjavík .
Á fundinum var kosið um þrjú sæti meðstjórnenda.
Alls bárust átta framboð til meðstjórnenda.
Réttkjörin í stjórn SVÞ til tveggja starfsára eru eftirtalin:
Stjórn er þannig skipuð starfsárið 2026-2027:
Auður Daníelsdóttir, forstjóri Orkunnar, formaður SVÞ
Dagbjört Erla Einarsdóttir, meðstjórnandi, framkvæmdastjóri innri rekstrar og yfirlögfræðingur Heima
Jónas Kári Eiríksson, meðstjórnandi, framkvæmdastjóri vörustýringar Öskju bifreiðaumboðs
Kristín Lára Helgadóttir, meðstjórnandi, yfirlögfræðingur Veritas
Edda Rut Björnsdóttir, meðstjórnandi, framkvæmdastjóri innanlandssviðs Eimskipafélags Íslands
Magnús Magnússon, framkvæmdastjóri smásölu -og markaðssviðs Húsasmiðjunnar
Inga Rut Jónsdóttir, framkvæmdastjóri Kringlunnar
Nánari upplýsingar veitir:
Benedikt S. Benediktsson, framkvæmdastjóri SVÞ benedikt@svth.is
___________
SMELLIÐ HÉR TIL AÐ NÁLGAST ÁRSSKÝRSLU STJÓRNAR SVÞ 2025-2026
SMELLIÐ HÉR FYRIR ÚRSLIT STJÓRNARKOSNINGA 2026
SMELLIÐ HÉR FYRIR FULLTRÚARÁÐ SA 2026-2027
12/03/2026 | Fréttir, Í fjölmiðlum, Stjórnvöld, Umhverfismál
Benedikt S. Benediktsson tók þátt í viðtali á Reykjavík síðdegis á Bylgunni í gær um kílómetragjaldið.
SMELLTU HÉR til að nálgast viðtalið.
09/03/2026 | Fræðsla, Fréttir, Stjórnvöld, Verslun, Viðburðir, Þjónusta
SVÞ – Samtök verslunar og þjónustu og FA – Félag atvinnurekenda hélt sameiginlegan morgunverðarfund þann 6. mars sl undir heitinu „Breytt Suðurlandsbraut -böl eða blessun fyrir fyrirtækin?“
Á svæðinu starfa á annað þúsund fyrirtækja með um 5.500 starfsmenn. Fyrirhugaðar framkvæmdir og skipulagsbreytingar geta haft veruleg áhrif á umferð, aðgengi og rekstrarskilyrði verslunar og þjónustu í hverfinu. Fjölmennt var á fundinn og fundargestir með margar spurningar og ábendingar.
Smelltu — Glærur Breytt Suðurlandsbraut, böl eða blessun fyrir fyrirtækin?
![Erlend netverslun Íslendinga heldur áfram að vaxa [RSV]](https://svth.is/wp-content/uploads/2026/03/Frett-a-vef-40-1080x675.png)
06/03/2026 | Fréttir, Greining, Verslun
Nýjustu tölur frá Rannsóknasetri verslunarinnar (RSV) sýna að erlend netverslun Íslendinga jókst verulega í desember og á árinu 2025 í heild.
Í desember nam velta vegna kaupa einstaklinga í erlendri netverslun rúmum 4,2 milljörðum króna, sem er hæsta mánaðarlega tala sem mælst hefur frá upphafi mælinga. Það er jafnframt rúmlega 20% aukning frá desember 2024.
Á árinu 2025 nam erlend netverslun alls 34,5 milljörðum króna, sem jafngildir 15% aukningu frá fyrra ári. Samkvæmt RSV eru enn engin merki um að þessi þróun sé að ná hámarki og bendir því margt til að umfang erlendrar netverslunar muni halda áfram að vaxa á næstu árum.
RSV hefur birt ítarlegri gögn um þróunina á innri vef sínum veltan.is, þar sem meðal annars er hægt að skoða veltu í erlendri netverslun eftir vöruflokkum.
Á næstu vikum mun RSV jafnframt gefa út skýrsluna „Erlend netverslun 2025“, þar sem nánar verður rýnt í þróunina og hvaða vörur Íslendingar keyptu helst frá erlendum netverslunum á liðnu ári.
02/03/2026 | Fréttamolar SVÞ, Fréttir, Útgáfa, Verslun, Þjónusta
Febrúar einkenndist af áherslu á stjórnarhætti og stefnumótun, boðun aðalfundar og stjórnarkjörum, samhliða markvissri umræðu um áhrif óhollustuskatts á neytendur. Jafnframt var fjallað um menntun, alþjóðlegt samstarf og undirbúning lykilviðburða vorsins.
FRÉTTAMOLAR SVÞ FEBRÚAR 2026.pdf
27/02/2026 | Fréttir, Greining, Stjórnvöld
Vísitala neysluverðs – hugleiðingar
Eldsneyti
Í kjölfar birtingar á vísitölu neysluverðs (VNV) í janúar fór af stað pólitísk umræða um að olíufélögin hefðu ekki skilað lækkun sem átti að fylgja kerfisbreytingum stjórnvalda á eldsneytisgjöldum að fullu til neytenda.
Nú liggur hins vegar fyrir að ein af forsendum í þeirri umræðu var ekki rétt. Hagstofa Íslands hefur greint frá því að við sannprófun gagna fyrir febrúar hafi komið í ljós að rangt eldsneytisverð var skráð hjá einum smásöluaðila í janúar. Lækkun á dísil í janúar hefði átt að mælast 28,1% (áhrif á VNV -0,3%) í stað 24,2% (áhrif á VNV -0,26%). Lækkun á bensíni hefði átt að mælast 31,5% (áhrif á VNV -0,78%) í stað 27,4% (áhrif á VNV -0,68%).
Þegar þetta er leiðrétt breytast heildaráhrif af kerfisbreytingunni, þ.e. niðurfellingu bensíngjalda og olíugjalda ásamt hækkun kolefnisgjalds og innleiðingu kílómetragjalds á alla bíla. Í stað þess að breytingin hafi verið 0,05% til hækkunar á VNV, líkt og janúartölur gáfu til kynna, voru áhrifin í raun 0,09% til lækkunar.
Leiðrétting Hagstofunnar grefur undan þeirri pólitísku frásögn að olíufélög hafi ekki skilað lækkuninni að fullu til neytenda enda eru áhrif á VNV lægri en áætlað var í lagafrumvarpi um kerfisbreytinguna en þá voru áhrif á VNV metin á bilinu 0–0,1% til hækkunar.
Matvara og tollar
Þegar kemur að verðbólgu er það oftar en ekki dagleg innkaup sem móta afstöðu heimilanna og þar vegur matarkarfan þungt. Samkvæmt nýjustu mælingum hefur verð á mat hækkað um 0,97% milli mánaða og um 5,5% milli ára. Hækkunin dreifist á marga undirflokka meðal annars súkkulaði, grænmeti, fisk og kjöt.
Það sem vekur þó sérstaka athygli eru liðir á borð við verðþróun eggja og svínakjöts en verð á svínakjöti hefur hækkað um 7,6% á síðustu 12 mánuðum og verð á eggjum um 10,5%. Um er að ræða vörur sem njóta verulegrar tollverndar líkt og fram kemur í greinargerð sem SVÞ sendi á Alþingi í tengslum við fyrirhugaðar breytingar á búvörulögum. Þótt verðbreytingar einstaka mánuði geti skýrst af ýmsum ástæðum þá skiptir tollumgjörð máli því háir tollar geta dregið úr aðhaldi innflutnings gagnvart innlendri framleiðslu.
Í greinargerðinni kemur einnig fram að atvinnugreinar á borð við svína- og eggjaframleiðslu hafa hærri hagnaðarhlutfall og arðsemi eigin fjár en viðskiptakerfið í heild á síðustu árum sem gætu verið vísbendingar um takmarkað samkeppnisaðhald.
Því er eðlilegt að spyrja hvort hið opinbera ætti að taka mikla tollvernd til endurskoðunar með það að markmiði að efla samkeppni og draga úr verðbólguþrýstingi.
