26/05/2026 | Fréttir, Í fjölmiðlum, Stjórnvöld, Úr hagsmunagæslunni, Verslun, Þjónusta
Ný umfjöllun Morgunblaðsins um áhrif peningaþvættisreglna á fyrirtæki sem selja bifreiðar og vélar, þ. á m. landbúnaðartæki, varpar enn á ný ljósi á þá stöðu sem SVÞ hafa ítrekað bent á að sé mjög þung fyrir bæði einstaklinga og fyrirtæki. Samtökin segja þungt og flókið regluverk hafa skapað fyrirtækjum verulegan kostnað, aukið rekstraráhættu og valdið fólki ónæði án þess að raunveruleg þörf sé til staðar.
Í tveimur fréttum Morgunblaðsins í dag er fjallað annars vegar um stöðu bílaumboða og hins vegar fyrirtækja í sölu og þjónustu landbúnaðarvéla. Þar lýsa forsvarsmenn fyrirtækja því hvernig umfangsmiklar kröfur um áreiðanleikakannanir, skráningar og upplýsingasöfnun hafi valdið mikilli yfirbyggingu og kostnaði í daglegum rekstri og skapað fyrirtækjunum áhættu.
Fyrirtæki bera þungan kostnað af auknum eftirlitskröfum
Í umfjöllun blaðsins kemur fram að bílgreinin hafi þurft að framkvæma þúsundir áreiðanleikakannana vegna viðskipta og að fyrirtæki hafi þurft að verja umtalsverðum fjármunum og mannafla í að uppfylla sífellt ítarlegri kröfur eftirlitsaðila. Jafnframt er bent á að reglurnar séu mun þyngri hér á landi en í nágrannaríkjum og innan Evrópu.
SVÞ hafa að reglurnar séu „gullhúðaðar“, þar sem innleiðing hér á landi gangi í reynd miklu lengra en Evróputilskipanir gera ráð fyrir og gert sé annarsstaðar. Hár kostnaður og meiri stjórnsýslubyrði gerir samkeppnisstöðu íslenskra fyrirtækja laka og hækkar söluverð bifreiða, véla og tækja.
Sérstaklega hefur verið bent á að umfang eftirlits- og upplýsingaskyldu hafi í mörgum tilvikum færst yfir á fyrirtæki sem hvorki hafi hefðbundnar rannsóknarheimildir né gegni í raun hlutverki opinberra eftirlitsaðila. Fyrirtæki séu þannig látin bera sífellt meiri ábyrgð á rannsóknum og sæti sektum ef ekki er að rannsókn staðið.
SVÞ segja það áhyggjuefni að þrátt fyrir ítrekaða umræðu og sívaxandi gagnrýni úr atvinnulífinu hafi enn ekkert heyrst frá dómsmálaráðherra um hvort ráðast eigi í endurskoðun á framkvæmd regluverksins eða mat á áhrifum þess á samkeppnishæfni fyrirtækja. Kallað var eftir fundi með ráðherra í febrúar síðastliðinn sem enn hefur ekki verið boðað til.
Kallað eftir svörum frá dómsmálaráðherra
Samtökin telja að stjórnvöld hafi ekki gengið úr skugga um að jafnvægi ríki milli markmiða peningaþvættisvarna annars vegar og rekstrarskilyrða fyrirtækja hins vegar. Telja samtökin unnt að tryggja markvisst og skilvirkt eftirlit án þess að íslensk fyrirtæki sitji uppi með meiri byrðar og kostnað en fyrirtæki í okkar samanburðarríkjum.
_____________________
Sjá umfjöllun í Morgunblaðinu í dag 26.05.2026
22/05/2026 | Fréttir, Greining, Verslun
Heildarvelta erlendrar netverslunar nam 34,5 milljörðum króna árið 2025 og jókst um 15% milli ára samkvæmt nýrri skýrslu Rannsóknaseturs verslunarinnar (RSV). Í skýrslunni, er þróun erlendrar netverslunar greind í smáatriðum eftir vöruflokkum og upprunalöndum.
Skýrslan „Erlend netverslun 2025“ veitir ítarlega innsýn í umfang og þróun netkaupa Íslendinga erlendis. Þar kemur meðal annars fram að landsmenn keyptu boli fyrir 1.153 milljónir króna, dekk fyrir 60 milljónir króna og ryksugur fyrir 46 milljónir króna á árinu. Einnig má finna sértæk dæmi um innflutning einstakra vörutegunda, svo sem ólífuolíu, kerta og annarra daglegra neysluvara.
Markmið skýrslunnar er að varpa skýrara ljósi á stöðu erlendrar netverslunar gagnvart innlendri verslun og hvernig þróunin hefur verið á síðustu árum. Í skýrslunni er meðal annars farið yfir þróun frá árinu 2022 í flokkum á borð við fataverslun, snyrtivörur, matvöru, byggingavörur, raftæki og heimilisbúnað.
Einnig er að finna spá um þróun innlendrar og erlendrar netverslunar til ársins 2030, auk ítarlegrar sundurliðunar á tollflokkastigi þar sem skoðaðar eru einstakar vörutegundir, meðal annars veggfóður, barnavagnar, úr og hunang. Þá inniheldur skýrslan greiningu á helstu upprunalöndum vara og umfangsmestu vöruflokkum frá 15 stærstu viðskiptalöndunum.
Sérstakur kafli er tileinkaður innflutningi á fatnaði og skóm frá Svíþjóð og þróun þess markaðar frá árinu 2016. Að mati RSV getur skýrslan nýst fyrirtækjum í verslun og heildverslun til að meta betur umfang erlendrar netverslunar innan sinna vöruflokka og þróun samkeppnisumhverfisins.
Almennt verð skýrslunnar er 199 þúsund krónur en áskrifendur Veltunnar fá hana á sérkjörum í maí. Hægt er að panta skýrsluna með því að senda póst á klara(hjá)rsv.is.
08/05/2026 | Fréttir, Greining, Verslun
Erlend netverslun jókst um 15% árið 2025
Heildarvelta erlendrar netverslunar nam 34,5 milljörðum króna árið 2025 samkvæmt nýrri skýrslu Rannsóknaseturs verslunarinnar (RSV). Veltan jókst um 15% milli ára og sýnir áframhaldandi aukningu í kaupum Íslendinga hjá erlendum netverslunum.
Skýrslan „Erlend netverslun 2025“ er gefin út í fyrsta sinn og veitir ítarlega yfirsýn yfir þróun erlendra netkaupa, helstu vöruflokka og upprunalönd vara. Hún er ætluð fyrirtækjum í verslun og heildverslun sem vilja fá skýrari mynd af stöðu markaðarins og samkeppni frá erlendum aðilum.
Meðal dæma úr skýrslunni má nefna að Íslendingar keyptu boli fyrir 1.153 milljónir króna í erlendum netverslunum á síðasta ári, dekk fyrir 60 milljónir króna og ryksugur fyrir 46 milljónir króna. Þá námu kaup á kertum 24 milljónum króna og innflutningur á ólífuolíu vegna netverslunar 3,6 milljónum króna.
Skýrslan inniheldur meðal annars:
-
Spá um þróun innlendrar og erlendrar netverslunar til ársins 2030
-
Þróun erlendrar netverslunar frá 2022 eftir vöruflokkum
-
Ítarlegt niðurbrot á tollflokkastigi
-
Greining á helstu upprunalöndum vara
-
Sérkafla um innflutning á fatnaði og skóm frá Svíþjóð frá árinu 2016
Niðurstöðurnar gefa fyrirtækjum betri innsýn í umfang erlendrar samkeppni innan einstakra vöruflokka og hvernig kauphegðun neytenda hefur þróast undanfarin ár.
Samhliða útgáfu skýrslunnar hefur RSV einnig hafið að bjóða upp á nýja þjónustu sem felur í sér úttekt á netverslun fyrirtækja. Markmiðið er að styrkja stöðu íslenskra fyrirtækja í aukinni samkeppni við erlendar netverslanir.
Úttektin nær meðal annars til upplifunar viðskiptavina, vöruframsetningar, upplýsingagjafar og samkeppnisstöðu. Fyrirtæki fá í kjölfarið tillögur að úrbótum og forgangsröðun verkefna sem geta styrkt rekstur og sölu í stafrænu umhverfi.
Almennt verð skýrslunnar er 199 þúsund krónur en áskrifendur Veltunnar fá hana á sérstöku verði í maí.
Hægt er að panta skýrsluna eða fá frekari upplýsingar hjá RSV.
04/05/2026 | Stjórnvöld, Umsagnir, Úr hagsmunagæslunni, Verslun, Þjónusta
SVÞ lýsir áhyggjum af aukinni gjaldtöku á ökutæki og eldsneyti í fjármálaáætlun stjórnvalda og telur skorta skýrleika um hvernig fyrirhugaðar tekjuaukningar eigi að nást. Samtökin vara við áhrifum aukinna álaga á heimili, fjárfestingu og rekstur fyrirtækja og leggja áherslu á fyrirsjáanleika, gagnsæi og virkt samráð við atvinnulífið. Þá er kallað eftir skýrari heildarsýn um framtíðargjaldtöku tengda samgöngum og innviðum.
Sjá nánar – 04052026 Umsögn SVÞ um fjármálaáætlun 2027-2031
04/05/2026 | Fréttamolar SVÞ, Fréttir, Greining, Í fjölmiðlum, Umsagnir, Úr hagsmunagæslunni, Útgáfa, Verslun, Þjónusta
Apríl mánuður einkenndist af skýrri og markvissri hagsmunagæslu SVÞ, sérstaklega í tengslum við eldsneytismál, verðstýringu og lagasetningu. Viðfangsefnin voru veigamikil og snertu beint rekstrarumhverfi fyrirtækja. Umræða um samkeppnishæfni, hlutverk stjórnvalda og undirbúning lagasetningar var áberandi. Einnig var sjónum beint að samgöngumálum sem lykilþætti í starfsemi fyrirtækja.
Smelltu á blaðið hér fyrir neðan.
FRÉTTAMOLAR SVÞ APRÍL 2026
30/04/2026 | Fréttir, Verslun, Viðburðir
EuroCommerce stendur fyrir Retail Innovation Summit 2026 í Brussel 10. júní þar sem leiðtogar úr verslun, stjórnsýslu og stefnumótun ræða lykiláskoranir greinarinnar. Áhersla er á samkeppnishæfni, stafræna þróun og breytt rekstrarumhverfi.
Á fundinum koma saman fulltrúar frá Evrópusambandinu, fyrirtækjum og samtökum til að fjalla um þrjú meginviðfangsefni: hvernig tryggja megi jafnræði í samkeppni, hvernig styrkja megi neytendavernd á netinu og hvaða áhrif ný tækni – svokölluð „agentic commerce“ – mun hafa á framtíð verslunar.
Viðburðurinn er hluti af áframhaldandi umræðu á vettvangi EuroCommerce, sem eru helstu hagsmunasamtök verslunar og heildsölu í Evrópu og hafa veruleg áhrif á stefnumótun sem snertir rekstrarumhverfi fyrirtækja í greininni.
Á dagskrá eru erindi og pallborð með þátttöku háttsettra fulltrúa, þar á meðal frá framkvæmdastjórn ESB og Evrópuþinginu, auk leiðtoga úr atvinnulífinu. Umræðan mun snúa að því hvernig regluverk, stafrænar lausnir og markaðsaðstæður móta samkeppni og nýsköpun í evrópskri verslun.
Áhrif á fyrirtæki og markað
Umræðuefni ráðstefnunnar snerta beint rekstrarumhverfi fyrirtækja í verslun og þjónustu. Sérstaklega skiptir máli hvernig jafnræði í samkeppni er tryggt gagnvart alþjóðlegum netverslunum, hvernig regluverk um neytendavernd þróast og hvaða áhrif ný tækni hefur á viðskiptalíkön.
Fyrir íslensk fyrirtæki, sem starfa á opnum og alþjóðlegum markaði, gefa slíkir viðburðir vísbendingar um þá stefnu sem mótar Evrópuregluverkið á næstu árum. Það hefur bein áhrif á samkeppnishæfni, kostnað og tækifæri til nýsköpunar.
Retail Innovation Summit 2026 dregur fram lykilspurningar um framtíð verslunar í Evrópu. Niðurstöður og umræður frá fundinum munu hafa áhrif á stefnumótun sem snertir fyrirtæki í greininni á næstu árum.
Sjá nánari upplýsingar inná vef Eurocommerce – HÉR!
