12/08/2024 | Fræðsla, Fréttir, Viðburðir
Ársfundur atvinnulífsins hefur fest sig í sessi sem mikilvægur vettvangur atvinnulífs og stjórnmála til að ræða brýn málefni samfélagsins og leiðir til að bæta lífskjör landsmanna.
Dagsetning: 19. september nk.
Staður: Silfurberg, Harpa
Tími: 15:00 – 17.00
Græn orka er lykill að orkuskiptum og kolefnishlutleysi Íslands. Á komandi starfsári Samtaka atvinnulífsins beinum við kastljósinu að grænni orku og grænum lausnum. Við ræsum þá vegferð á Ársfundi atvinnulífsins 19. september undir yfirskriftinni Samtaka um grænar lausnir.
Nánari dagskrá fundarins er kunngjörð síðar í ágúst.
Skráning nauðsynleg HÉR!
15/04/2024 | Fréttir, Verslun, Viðburðir, Þjónusta
SVÞ – Samtök verslunar og þjónustu héldu uppá 25 ára starfsafmæli samtakanna með glæsilegri ráðstefnu á Parliament Hótel Reykjavik v/Austurvöll undir heitinu ‘Framtíðin bíður ekki’
Við komum til með að birta öll myndbönd frá ráðstefnunni á næstu dögum, en hér kemur smá stemningsmyndband sem gefur innsýn inn í ráðstefnuna.
11/04/2024 | Fréttir, Samtök sjálfstæðra skóla, Viðburðir
Aðalfundur SSSK – Samtaka sjálfstæðra skóla
Dagur: Þriðjudagurinn, 23.apríl 2024
Tími: 15:00 – 17:00
Staður: Hús verslunarinnar, Hylur 1.hæð
_________
Hefðubundin aðalfundastörf skv. 7. grein samþykkta:
- Skýrsla stjórnar
- Stjórn leggur fram endurskoðaða reikninga samtakanna
- Umræður um skýrslu og reikninga
- Félagsgjöld ársins
- Kosning formanns og varaformanns
- Kosning meðstjórnenda og varamanna
- Kosning tveggja skoðunarmanna
- Önnur mál
Eftir hefðbundin aðalfundastörf gera félagsmenn sér glaðan dag.
Nánari dagskrá verður auglýst síðar.
SKRÁNING HÉR!
28/02/2024 | Fréttir, Verslun, Viðburðir
25 ára afmælisráðstefna SVÞ – Samtaka verslunar og þjónustu.
SKRÁNING HÉR!
Framtíðin bíður ekki
Vertu með á 25 ára afmælisráðstefnu SVÞ – Samtaka verslunar og þjónustu!
Stafræn þróun í verslun og þjónustu í sinni víðustu mynd.
Dagur: miðvikudagurinn 10.apríl 2024
Tími: 13:00 – 18:00
Staður: Gamli NASA, Parliament Hótel v/Austurvöll
________
Á ráðstefnunni verður boðið upp á 18 viðburði með lotufyrirkomulagi (e. breakout sessions) í fjórum þemum.
Framtíð verslunar og þjónustu, mannauðurinn, fjármál og fjárfestingar og sala og markaðsmál.
Ráðstefnan á erindi við:
- – rekstraraðila í verslunar og þjónustugreinum,
- – stjórnendur og starfsfólk í verslunar og þjónustu fyrirtækjum,
- – eigendur og stjórnendur fyrirtækja í samstarfi við og með hagsmuni af verslun og þjónustu,
- – fjárfesta í greininni,
- – rannsóknaraðila í háskólaumhverfinu
og alla þá sem hafa áhuga á og vilja afla sér aukinnar þekkingar á þróun greinarinnar á Íslandi næstu ár.
Þá eru háskólanemar í greinum sem tengjast stafrænni þróun, framtíðarþróun í viðskiptalífi sérstaklega hvattir til að taka þátt.
ALLAR NÁNARI UPPLÝSINGAR OG SKRÁNING SMELLTU HÉR!
*Takmarkað sætaframboð!
20/02/2024 | Fréttir, Verslun, Viðburðir, Þjónusta
Reykjavík, 20. febrúar 2024
Til aðildarfyrirtækja SVÞ – Samtaka verslunar og þjónustu
BOÐUN AÐALFUNDAR SVÞ – SAMTAKA VERSLUNAR OG ÞJÓNUSTU
Með bréfi þessu er boðað til aðalfundar SVÞ – Samtaka verslunar og þjónustu hinn 14. mars 2024 kl. 08:30 í fundarsalnum Hyl, Húsi atvinnulífsins, Borgartúni 35, 105 Reykjavík.
Dagskrá fundarins er eftirfarandi:
1. Ræða formanns SVÞ
2. Skýrsla stjórnar SVÞ fyrir liðið starfsár
3. Reikningar SVÞ fyrir liðið reikningsár
4. Lýst kosningu meðstjórnenda í stjórn SVÞ
5. Lýst kosningu í fulltrúaráð Samtaka atvinnulífsins
6. Kosning löggilts endurskoðanda SVÞ
7. Breytingar á samþykktum SVÞ
8. Umræður og atkvæðagreiðsla um önnur mál
Nánar um einstaka dagskrárliði:
Um 2. dagskrárlið
Skýrsla stjórnar SVÞ verður gerð aðgengileg á vefsvæði SVÞ fyrir fundinn. Á fundinum verður gerð grein fyrir helstu atriðum skýrslunnar.
Um 3. dagskrárlið
Reikningar SVÞ fyrir reikningsárið 2023 munu liggja fyrir á skrifstofu SVÞ aðildarfyrirtækjum til skoðunar eigi síðar en frá með 7. mars 2024. Á fundinum verður gerð grein fyrir efni þeirra.
Um 4. og 5. dagskrárliði
Til samræmis við ákvæði 2. málsl. 2. mgr. 14. gr. sbr. 2. mgr. 15. gr. samþykkta SVÞ skal kjósa þrjá meðstjórnendur til tveggja ára á aðalfundi SVÞ 2024, þ.e. kjörtímabilið milli aðalfunda 2024 og 2026.
Kjörnefnd SVÞ 2024 yfirfer framkomin framboð til stjórnar SVÞ og fulltrúaráðs Samtaka atvinnulífsins. Framboðsfrestur rennur út 22. febrúar 2024. Berist nefndinni fleiri en þrjú framboð til stjórnar SVÞ eða fleiri framboð til fulltrúaráðs Samtaka atvinnulífsins en sem nemur fulltrúasætum SVÞ munu kjörgögn væntanlega verða send aðildarfyrirtækjum 23. febrúar 2024. Kosningarnar verða rafrænar og er áætlað að þær hefjist 28. febrúar 2024 og þeim ljúki 12. mars 2023 kl. 12:00.
Um 7. dagskrárlið
Í ljósi afkomu síðasta reikningsárs leggur stjórn SVÞ til að við samþykktir SVÞ frá 26. maí 1999, með síðari breytingum, verði bætt nýju ákvæði til bráðabirgða, svohljóðandi:
Þrátt fyrir ákvæði 9. gr. skal veita aðilum að SVÞ, samkvæmt ákvæðum II. kafla, 3% afslátt af árgjaldi árið 2024. Afslátturinn skal veittur af árgjaldinu eftir að það hefur verið ákvarðað skv. 2. mgr. 9. gr. og skal jafnframt taka til lágmarks- og hámarksárgjalds.
Virðingarfyllst,
f.h. stjórnar SVÞ – Samtaka verslunar og þjónustu
formaður SVÞ – Samtaka verslunar og þjónustu.
___________
SMELLIÐ HÉR FYRIR SKRÁNINGU Á AÐALFUND SVÞ.
19/10/2023 | Fréttir, Innra starf, Viðburðir
SA – Samtök atvinnulífsins heldur sinn árlega ársfund í Borgarleikhúsinu 19.október kl. 15:00
Bein útsending og upptaka má finna hér fyrir neðan.
Ársfundur atvinnulífsins 2023 from Samtök atvinnulífsins on Vimeo.
